1 Korintus 7:12 - Kaili Ledo

¹² Bo iveimo pepatudukiku ka tona ntanina haitumo, tona noberei nte tona ledo topomparasaya i Kristus. Pepatuduki hitu lako nte yaku mboto, ledo ria parenta niuli i Pue Yesus bara ipia ri dunia. Ane naria langgai topomparasaya bo bereina mombine ledo nomparasaya i Kristus, tapi mombine haitu madota maroo matuvu mosanggani-nggani nte ia, langgai haitu ledo mamala mogaa nte bereina.

1 Korintus 7:12 ပူးပေါင်းရင်းမြစ်များ

1 Korintus 7:11

Tapi ane rapana ia mogaa, domo mamala ia moberei. Ia kana maroo matuvu maloa atau manjili mpanjili nte bereina langgai. Bo berei langgai ledo mamala mogaa nte bereina mombine.

1 Korintus 7:13

Bo ane naria mombine topomparasaya bo bereina langgai ledo nomparasaya i Kristus, tapi langgai haitu madota maroo matuvu mosanggani-nggani ante ia, mombine haitu ledo mamala mogaa ante bereina haitu.

1 Korintus 7:25

Ane pompekutanamiu ka tona dopa noberei, ledo ria parenta lako nte i Pue Yesus. Tapi kutesa ka komiu panggavaku mboto. Bo tesaku hitu masipato raparasayamiu sabana pompakule nidekei nTupu ka yaku lako ri pompotoveNa.

1 Korintus 7:27

Rapana, ane komiu nobereimo, nemo raelomiu dala mogaa ante bereimiu. Ane komiu dopa noberei, domo mangelo poberei.

1 Korintus 7:6

Tesaku hitu ledo parenta, tapi ane tona njamboko nosimpoiyo ledo mosampaturu bara sakuya kasaena, namala, ledo nakuya.

2 Korintus 11:17

Natantu ane kutoiya karoku mboto ri sii, yaku ledo notesa ante kuasa nTupu, tapi yaku notesa mpo todoyo.