1 Korintus 7:11 - Kaili Ledo

¹¹ Tapi ane rapana ia mogaa, domo mamala ia moberei. Ia kana maroo matuvu maloa atau manjili mpanjili nte bereina langgai. Bo berei langgai ledo mamala mogaa nte bereina mombine.

1 Korintus 7:11 ပူးပေါင်းရင်းမြစ်များ

Matius 5:32

Tapi Kuuli ka komiu, ane komiu mompogaaka bereimiu mombine, tano ledo ria ia nosipogau nte langgai ntanina, batuana komiu nompopobualo ia. Bo isema-sema mompoberei mombine nipogaaka haitu, ia muni nobualo.”

Markus 10:12

Bo ane bereina mombine mompogaaka bereina langgai bo mompoberei langgai ntanina, ia muni nobualo.>>

Markus 10:2

Tempo Ia nompatuduki, naria bara sako-ndua toFarisi nanggaparai Ia mombaopa tesaNa bo nekutana, <>

Lukas 16:18

Pade nanguli munimo i Yesus, “Isema-sema langgai nompogaaka bereina pade noberei nte mombine ntanina, ia nobualo. Bo tona nompoberei mombine nipogaaka, ia muni nobualo.”

1 Korintus 7:10

Ivei parentaku ka komiu topoberei. Pepatuduki hitu ledo lako nte yaku mboto, tapi tesa i Pue Yesus. Berei mombine ledo mamala mogaa ante bereina langgai.

1 Korintus 7:12

Bo iveimo pepatudukiku ka tona ntanina haitumo, tona noberei nte tona ledo topomparasaya i Kristus. Pepatuduki hitu lako nte yaku mboto, ledo ria parenta niuli i Pue Yesus bara ipia ri dunia. Ane naria langgai topomparasaya bo bereina mombine ledo nomparasaya i Kristus, tapi mombine haitu madota maroo matuvu mosanggani-nggani nte ia, langgai haitu ledo mamala mogaa nte bereina.