1 Korintus 6:7 - Kaili Ledo

⁷ Parakara-parakara haitu, nemopa posipangadu, tandana komiu ledo nokainggu mpo topangoseaka i Yesus. Ane maria tona mombabagiu komiu atau mompakarugi komiu, dekeikamo! Aginapa komiu rabagiu atau rapakarugi ntona pade mompangadu sampesuvumiu sampomparasaya!

1 Korintus 6:7 ပူးပေါင်းရင်းမြစ်များ

Lukas 19:8

Naupu haitu neanggamo i Zakheus ri ngayo ntodea bo nanguli ka i Yesus, “Pue, santanga mbara-mbaraku kudekei ka tona napakasi. Isema-sema nibagiuku, kupopanjili ka ia pata-nggani kadeana.”

Lukas 6:29

Ane rasapa ntona sabingga kalimpimiu, nee rapesava. Taa ka ia vai sabinggapa rasapana. Ane raalasi ntona buyamiu, dekeika muni bajumiu.

1 Tesalonika 5:15

Jagaimo ala ledo maria komiu mombabalasi pokainggu nadaa ante anu nadaa. Komiu kana masaro mompasimbuku movia anu nabelo ka roa-roamiu bo ka tona ntanina muni.

1 Petrus 3:9

Ane maria tona movia anu nadaa nte komiu, nee rabalasi ira ante anu nadaa. Ane rasalai ntona komiu, nee rapesava. Agina komiu merapi Alatala mombadekei belo ka ira. Apa komiu nipokio nu Alatala manggeni belo ka tona ntanina, ala komiu manggava belo lako nte Ia.