1 Korintus 6:19 - Kaili Ledo

¹⁹ Ledo nisanimiu karomiu nasimbayu mpo banua petupu anu niponturo Nosa Gasa nu Alatala? Ia natetida riara ntaimiu. Alatala mboto nombadekei Nosa Gasa ka komiu. Iamo Tupu nu karomiu, ledo komiu mboto tupuna.

1 Korintus 6:19 ပူးပေါင်းရင်းမြစ်များ

Yohanes 2:21

Tapi banua nu Alatala nipatuju i Yesus haitumo karoNa mboto.

Roma 8:9

Tapi komiu domo nangoseaka dota raramiu nadaa. Komiu nangoseaka dota Nosa Gasa nu Alatala ane Nosa Gasa mpuu-mpuu nonturo riara ntaimiu. Isema-sema ledo ria Nosa Gasa i Kristus riara ntaina, ia ledo todea i Kristus.

1 Korintus 3:16

Sampesuvu-sampesuvu, ledo nisanimiu komiu nasimbayu mpo banua niponturo nu Alatala? Bo Nosa GasaNa nonturo ri tatangamiu.

1 Korintus 6:13

Sanu muni nanguli kandea nipasadia rakande, bo tailiko nipovia rapangisi kandea. Bo kandea bo tailiko rapakaropu nu Alatala pura bara maipia. Jadi, nisarumakamiu ledo makuya nuapa-nuapa rapoviata ante karota. Kakanana ledo ivesia. Karota ledo nipovia mompogau tona ledo bereita mboto. Tapi karota nipovia ala rapaketa movia dota i Pue. Iamo Tupu nu karota.

1 Korintus 6:3

Ledo nisanimiu kita topomparasaya mombatangara malaeka-malaeka nTupu bara maipia? Jadi ane rapakulemiu mombatangara malaeka, natantu rapakulemiu mompakaupu parakara biasa ri katuvumiu eo-eo.

2 Korintus 5:15

Bo i Kristus mpuu-mpuu namate nanjambei kita pura-pura. Patuju nu kamateNa haitu ala kita anu da natuvu ri dunia hitu domo matuvu mangoseaka dotata mboto, tapi dota i Kristus anu namate bo natuvu mpanjili ala manggeni belo ka kita.

2 Korintus 6:16

Masipato kita metupu nte Alatala ri BanuaNa bo metupu muni nte tupu-tupu ntanina? Natantu pura-pura haitu ledo ntoto masipato! Toramo! Kitamo anu najadi Banua nu Alatala, haitumo Alatala anu Natuvu sampe ri kasae-saena. Alatala mboto nanguli ivei: “Yaku matetida ri tatangara bo monturo mosanggani-nggani ante ira. Yaku majadi Tupura bo ira majadi todeaKu.” Imamat 26:12; Yehezkiel 37:27

Titus 2:14

I Kristus nombadekei karoNa nipatesi nanjambei kita ala mombasompo dosata. NikabasakaNa kita lako ri pura-pura pokaingguta nadaa, nipegasaNa kita bo nipataniNa kita majadi todeaNa mboto anu matutu nokainggu nabelo.

Yakobus 4:5

Nee rapekirimiu anu niuli ri Buku Gasa ledo nakana. Niuli ivei: Alatala nompajadi rara ntaita tapi rara ntaita haitu nadea mpuu nipoinona.

1 Petrus 2:5

Komiu muni nasimbayu mpo vatu-vatu natuvu, jadi dekei Alatala mompake komiu majadi banua petupu ka Ia. Bo riara banua petupu haitu komiu majadi mpo topanggeni pesomba, anu natuvu nipatani ka Alatala. Bo komiu namala metupu nte Ia ante pekeniaka Nosa Gasa. Petupumiu haitu najadi pesomba anu rapokonoa rara nu Alatala sabana anu nipovia i Yesus Kristus.