1 Korintus 5:9 - Kaili Ledo

⁹ Riara suraku bara ipia nitulisiku nemo mosimporoa nte tona nokainggu nabuga.

1 Korintus 5:9 ပူးပေါင်းရင်းမြစ်များ

1 Korintus 5:10

Anu nipatujuku, nemo mosimporoa ante tona nangaku nomparasaya i Yesus, tano mai pokaingguna nabuga, nadoko, nompakande tupu-tupu ntanina, nanjalai tona ntanina, topanginu, atau topangangga. Nemo mosimporoa ante tona ivehaitu. Nau aga mangande mosanggani-nggani nemo! Patujuku ledo mombatagi komiu mosimporoa ante tona anu ledo nosisani ante Alatala bo nokainggu nabuga, anu ledo ria kabasa-basana manggava untu ka karona mboto, topebagiu, bo topompakande tupu-tupu ntanina. Ledo ira nipatujuku. Apa ane komiu ledo moroa nte tona nadosa ri dunia, natantu komiu kana molinja lako ri dunia hitu!

1 Korintus 5:2

Kakanana masipato mabuku raramiu bo maeya matamiu, bo masipato komiu mompopalai topogau haitu lako ri tatangamiu, domo radekei ia masiromu nte komiu mombasomba Alatala. Tapi ledo ivesia komiu. Komiu da nalanga raramiu, nau pokainggu roamiu ivesia!

1 Korintus 5:7

Jadi tedeakamo ragi njaena, haitumo suvurakamo tona nokainggu nadaa, ala komiu majadi todea magasa nasimbayu mpo gando nabaru dopa nambela ragi. Bo komiu nagasa mami, apa i Kristus nipatesi mombasompo dosata nasimbayu mpo ana bimba nipatesi ri Posusa Paskah ntoYahudi.

2 Korintus 6:14

Nemo mosangu rara nte tona ledo topangoseaka i Kristus. Ledo ntoto masipato. Berimbamo? Masipato tona nangoseaka dota nu Alatala masintuvu ante toposapuaka Alatala? Mamala reme ragalo ante landa?

2 Korintus 6:17

“Jadi, palaisimo tona anu ledo nosisani nte Yaku, bo kavaosimiumo ira! Ane ledo ratuimiu anu naruto ri panggitaKu, Kutarima komiu.” Yesaya 52:11

Efesus 5:11

Nee rapasialamiu pokainggu ntona anu da natuvu ri kalandana, apa pokainggura haitu ledo ntoto naria gunana. Tapi komiu kana batena mokainggu mabelo ala katuvumiu majadi reme ka ira bo rasanira pokainggura nadaa.

2 Tesalonika 3:14

Ane rapana maria tona ledo madota mangoseaka tesa nitulisi kami riara sura hitu, tandaimo ira. Nee mosimpovega nte ira ala kaupuna maeya matara.

2 Tesalonika 3:6

Sampesuvu-sampesuvu, ante kuasa nidekei i Pue Yesus Kristus ka kami, kami nomparenta komiu, nee ntoto mosimpovega ante sampesuvu sampomparasaya namau bo ledo nangoseaka pepatuduki nipatuduki kami ka komiu.