1 Korintus 5:6 - Kaili Ledo

⁶ Ledo masipato malanga raramiu bo mangoe ka pokainggu ivehaitu. Ledo nisanimiu tona nokainggu nadaa namala manggeni tona ntanina movia nadaa? Tona nokainggu nadaa nasimbayu mpo ragi sakide anu namala mompopenggamba pura-pura gando.

1 Korintus 5:6 ပူးပေါင်းရင်းမြစ်များ

Matius 13:33

Naupu sia nitesa i Yesus vaimo sangu porapa ntanina. NiuliNa, “Poparenta nu Alatala nasimbayu eva ragi niala nu mombine bo niposigalona ante talu-njuka labu nu gando. Naupu nipasigalona, nenggamba puramo labu gando haitu.”

Lukas 13:21

Kajadina nasimbayu ante ragi niala mombine bo nipasigalona ante talu-njuka labu nu gando. Naupu nipasigalona, nenggamba puramo labu nu gando haitu.”

Roma 6:16

Nisanimiu mboto ane kita matundu nte tona bo mangoseaka parentana, kita majadi batuana. Ivesia muni ante dosa. Ane kita batena mangoseaka dota rarata anu nadaa, kita majadi batua nu dosa bo kaupuna kita mamate bo rapopogaa lako nte Alatala. Tapi ane kita matundu nte Alatala, kita majadi batuaNa bo kita rapakanoa ri panggitaNa.

1 Korintus 15:33

Tapi nee sampe komiu rabagiu ntona anu nanguli tomate ledo rapakatuvu mpanjili. Toramo! Ane kita movega ante tona nadaa, tantu rapasialata pokainggura.

1 Korintus 3:21

Jadi ane ivesia, tumo mangoe ka pakeni-pakenimiu ri dunia hitu. Kakanana pura-pura nidekei nu Alatala ka komiu majadi anumiu.

1 Korintus 5:2

Kakanana masipato mabuku raramiu bo maeya matamiu, bo masipato komiu mompopalai topogau haitu lako ri tatangamiu, domo radekei ia masiromu nte komiu mombasomba Alatala. Tapi ledo ivesia komiu. Komiu da nalanga raramiu, nau pokainggu roamiu ivesia!

Galatia 5:9

Pepatuduki nasala nipatuduki ntona haitu nasimbayu mpo ragi, sabana nau aga sakide ragi rapake, pura-pura gando rapovia roti menggamba.

2 Timotius 2:17

Tesa ntona haitu nendai mpo dua bo nompakadaa katuvu ntona. I Himeneus bo i Filetus notesa ivehaitu.

Yakobus 4:16

Tapi ledo ivesia tesamiu. Komiu aga nalanga raramiu bo nangoe ka poviamiu mboto. Pokainggu ivehaitu nadaa!