1 Korintus 5:10 - Kaili Ledo

^10-11 Anu nipatujuku, nemo mosimporoa ante tona nangaku nomparasaya i Yesus, tano mai pokaingguna nabuga, nadoko, nompakande tupu-tupu ntanina, nanjalai tona ntanina, topanginu, atau topangangga. Nemo mosimporoa ante tona ivehaitu. Nau aga mangande mosanggani-nggani nemo! Patujuku ledo mombatagi komiu mosimporoa ante tona anu ledo nosisani ante Alatala bo nokainggu nabuga, anu ledo ria kabasa-basana manggava untu ka karona mboto, topebagiu, bo topompakande tupu-tupu ntanina. Ledo ira nipatujuku. Apa ane komiu ledo moroa nte tona nadosa ri dunia, natantu komiu kana molinja lako ri dunia hitu!

1 Korintus 5:10 ပူးပေါင်းရင်းမြစ်များ

Lukas 18:11

ToFarisi haitu neangga bo nosambaya riara ntaina, ‘Pue, yaku nosukuru nte Komiu sabana yaku hii ledo nasimbayu ante tona ntanina, haitumo topebagiu, tona natenggo rarana, bo tona nobualo. Yaku nosukuru apa yaku ledo nasimbayu ante topesingara balasitee moitu.

Yohanes 15:19

Ane rapana komiu nosangu pekiri ante tona ledo nomparasaya Yaku, natantumo rapotovera komiu sabana komiu roara mboto. Tapi komiu ledo nosangu pekiri ante ira, sabana Yaku nompelisi komiu bo nopatani komiu ka Yaku. Jadi haitu sampe komiu nipovuu matara.

Yohanes 17:6

“Tata, nipopaisaniKumo Komiu ka tona nidekeiMiu ka Yaku lako ri dunia hitu. Ira todeaMiu mami, bo ira nidekeiMiu muni ka Yaku. Nioseakaramo tesaMiu

Yohanes 17:9

Yaku mosambaya ka ira. Ledo pura-pura manusia Kuposambayaka tapi aga ira anu nidekeiMiu ka Yaku, sabana ira haitu mpuu-mpuu todeaMiu.

Yohanes 8:23

Tapi nanguli i Yesus ka ira, “Komiu nopuna lako ri dunia hitu, tapi Yaku nopuna lako ri suruga. Komiu todea ri dunia hitu, tapi Yaku ledo.

1 Korintus 1:20

Jadi nuapa gunana tona napande? Nuapa gunana tona natau? Nuapa gunana tona napande notesa ri dunia hitu? Alatala nompakalanto pura-pura kapande nu manusia ledo ria gunana.

1 Korintus 10:27

Ane komiu ragaga ntona ledo topomparasaya mangande ri banuana, bo komiu madota mangande ante ia, kandemo nuapa-nuapa ratibo ka komiu. Ledo paraluu rapekutana kandea haitu bara nipakande ka tupu-tupu ntanina. Ledo paraluu monggai-nggai raramiu mompekirika bara nasala bara ledo.

1 Korintus 5:9

Riara suraku bara ipia nitulisiku nemo mosimporoa nte tona nokainggu nabuga.

2 Korintus 4:4

Ira ledo nomparasaya sabana Magau nu Seta anu nombakuasai dunia hitu nompakaburo pekirira ala ledo rakitara reme nu Kareba Belo. Kareba Belo haitu nompakalanto kaoge i Kristus anu nasimbayu ntoto ante Alatala.

Efesus 2:2

Komiu natuvu nangoseaka kabiasa-kabiasa nu manusia ri dunia hitu, haitumo komiu nangoseaka dota nu Magau Seta, pakeni nu kuasa-kuasa nadaa ri laerava. Iamo nombakuasai rara ntai ntona anu ledo natundu nte Alatala.

Filipi 2:15

ala malanto ka pura-pura tona komiu ana-ana nu Alatala nabelo, anu ledo rasalai ntona. Komiu natuvu nanoa ri tatanga manusia natenggo bo nadaa nasimbayu mpo betue-betue nombavanta kalandana.

1 Yohanes 4:5

Nabi-nabi mpodava gahaitu ledo nangoseaka dota nu Alatala. Haitu sampe pepatudukira nangoseaka pekiri ntona ri dunia anu ledo nangoseaka dota nTupu, bo nadamba tona nompetalingai pepatudukira.

1 Yohanes 4:7

Sampesuvu-sampesuvu nipotoveku, kita kana mosimpotove sabana tove nopuna lako nte Alatala. Isema-sema nepotove, iamo ana nu Alatala, bo nosisani belo ante Alatala.

1 Yohanes 5:19

Nisanita kita najadi ana-ana nu Alatala, bo nisanita tona ledo nomparasaya i Yesus nikuasai Magau nu Seta.

Pompakita 12:9

Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.