1 Korintus 4:7 - Kaili Ledo

⁷ Isema nanguli komiu nelabipa pade tona ntanina? Nuapa naria nte komiu anu ledo nidekei nTupu ka komiu? Jadi nakuya komiu nangoe-ngoe? Nisarumakamiu anu naria nte komiu asele mpoviamiu mboto?

1 Korintus 4:7 ပူးပေါင်းရင်းမြစ်များ

Lukas 19:13

Dopame ia hau, nipokiona ntani sapulu batuana bo nidekeikana simbo sampeka doi bulava ka ira. Pade niulikana, ‘Doi hitu rapagolimiu sampe manjili yaku.’

Yohanes 1:16

Naoge mpuu tove i Yesus Kristus ka kita sampe ledo ria kaupu-upuna belo nidekeiNa ka kita.

Yohanes 3:27

Nesana i Yohanes, “Ledo makuya. Ledo ria saitoa manggava nuapa-nuapa ane ledo radekei nu Alatala ka ia.

Roma 1:5

Alatala nabelo raraNa nte yaku bo yaku nipajadiNa suroNa sabana i Yesus. Yaku niposuroNa mompatolele Kareba Belo ka tona ri umba-umba ri dunia bo manggeniaka ira momparasaya bo matundu nte i Yesus, ala Ia rabila bo rapakaoge

Roma 12:3

Lako ri kabelo rara nu Alatala, yaku nianggatakaNa majadi suroNa. Jadi sia sampe kuuli ka komiu pura-pura, Nee rapekirita karota mboto naoge ane ledo ivesia kakanana. Kita kana manoa bo manoto mompekirika karota mboto, nangoseaka suka pomparasaya nibagi nu Alatala ka kita saito-saito.

Roma 12:6

Kita simbo nidekeika pompakule-pompakule ledo nasimbayu, nangoseaka anu nidekei nu Alatala ka simbo saito lako ri kabelo raraNa. Jadi sabana haitu, kita kana mpuu-mpuu mompake pompakuleta haitu. Isema-sema nidekeika pompakule mompatolele tesa lako nte Alatala, kana rapoviana mangoseaka pomparasaya naria nte ia.

1 Korintus 15:10

Tapi lako ri pepotove nu Alatala, yaku najadi suro i Pue Yesus. Bo pepotoveNa haitu naria aselena riara nggatuvuku. Yaku nokarajaa nelabipa kantamona pade suro-suro i Yesus ntanina. Tapi kakanana ledo yaku anu nokarajaa ntamo ivesia. Alatala anu nompotove yaku, Iamo nokarajaa nosanggani-nggani ante yaku.

1 Korintus 3:5

Pekirimo! Isema yaku? Bo isema i Apolos? Kami aga batua-batua nu Alatala nanggeni komiu nomparasaya i Yesus. Kami aga batua anu simbo nokarajaa pokarajaa nidekei nu Alatala ka kami.

1 Korintus 5:6

Ledo masipato malanga raramiu bo mangoe ka pokainggu ivehaitu. Ledo nisanimiu tona nokainggu nadaa namala manggeni tona ntanina movia nadaa? Tona nokainggu nadaa nasimbayu mpo ragi sakide anu namala mompopenggamba pura-pura gando.

1 Korintus 7:7

Kakanana nipokonokupa ane pura-pura tona maloa mpo yaku. Tapi pura-pura tona nidekeika pompakulena mboto lako nte Alatala. Naria tona nompakule matuvu maloa sampe mamate, tapi naria ntanina ledo nidekeika pompakule haitu.

Yakobus 1:17

Pura-pura pedekei nabelo, anu ledo ria galona nadaa, nakava lako nte Alatala ri suruga. Ia nompajadi pura-pura anu nareme ri langi. Vayo-vayo najadi lako ri reme haitu nasaro nabali, tapi Ia ledo nabali. Ia bate-batena nabelo.

1 Petrus 4:10

Kita simbo nidekeika pompakule ledo nasimbayu lako nte Alatala, bo kita kana mompake pakabelo pompakule nipatava ka kita mombatulungi tona ntanina.