1 Korintus 4:3 - Kaili Ledo

³ Jadi bara maria nte komiu tona madota momparesa pokarajaa kami bo mompakatantu bara mabelo bara ledo. Tapi yaku hii, ledo kupeili bara komiu bara tona ntanina mombatangara yaku. Ledo muni kutangara karoku mboto.

1 Korintus 4:3 ပူးပေါင်းရင်းမြစ်များ

Yohanes 7:24

Nee mompakasala tona nangoseaka anu nikita matamiu, tapi nangoseaka kanoana!”

1 Korintus 2:15

Tona naria Nosa Gasa nu Alatala nte ia, nompakule nomparesa bo nompaha mpengaya-ngaya. Tapi tona ledo naria Nosa Gasa nte ia, ledo nompakule mombapaha pekiri ntona naria Nosa Gasa.

1 Korintus 3:13

Rapana ane mapapu banua, tantu pareva nabelo nipake novia banua haitu maboli, tapi pareva ledo nabelo mapapu puramo. Ivesia muni ante pokarajaa ntopokarajaa ka Alatala. Kabelo nu pokarajaara saito-saito kana rapakalanto bara maipia tempo i Yesus makava mpanjili ri dunia. Pokarajaara haitu rauji nu Alatala ala malanto pokarajaara haitu bara mabelo bara ledo.

1 Korintus 4:2

Bo anu nopoko ka batua, ira kana matutu mangoseaka parenta nu madikara.

1 Korintus 4:4

Nabula raraku. Pangisaniku mboto, ledo naria anu masipato rapakasala riara nggatuvuku. Tapi ledo kabula raraku hitu mompakatantu yaku manoa ri panggita nu Alatala. Aga i Pue Yesus mamala mombabotusi bara nasala yaku bara ledo.