1 Korintus 4:21 - Kaili Ledo

²¹ Jadi ane yaku tou nte komiu ri situ, umbana rapokonomiu? Paraluu yaku makava mompokarau komiu apa pokainggumiu dopa nabali? Atau yaku makava ante lusu rara bo asi mata apa nibalikimiumo pokainggumiu?

1 Korintus 4:21 ပူးပေါင်းရင်းမြစ်များ

1 Korintus 4:18

Naria bara sako-ndua komiu nalanga rara, sabana niulimiu yaku domo tou nte komiu.

1 Korintus 5:5

kutudu komiu mombadekei tona haitu riara kuasa Magau nu Seta. Povia ivesia ala karona rahuku bo kaupuna nyawana rapakasalama tempo i Yesus makava mpanjili ri dunia.

2 Korintus 1:23

Sampesuvu-sampesuvu, yaku ledo nodava. Alatala sabiku. NisaniNa isi rara ntaiku bo nisaniNa yaku ledo nanjili ri ngata Korintus mompelioda komiu sabana ledo nipokonoku makasara mangonteaka komiu bo mompakasusa raramiu.

2 Korintus 10:6

Jadi ane rakita kami komiu pura-pura mpuu-mpuu natundu nte i Kristus, masadiamo kami mombahuku tona ntanina anu ledo natundu.

2 Korintus 10:8

Nau yaku madamba gaga mombatesa kuasa nidekei i Kristus ka kami, ledo maeya mataku. Sabana kuasa haitu nidekei i Pue ka kami, ledo mompakagero pomparasayamiu, tapi mompakaroso pomparasayamiu.

2 Korintus 12:18

Nituduku i Titus tou nte komiu bara ipia nosanggani-nggani ante sampesuvuta ntanina. Nariamo i Titus nombaakalani komiu? Natantu ledo! Nisanimiu mbotomo kami randua nosangu rara bo pokainggu kami nasimbayu.

2 Korintus 13:10

Haitu sampe nitulisiku sura hitu ka komiu dopame yaku tou, ala ane makava ri situ nte komiu yaku, ledo paraluu makasara yaku mompakabelo pokainggumiu ante kuasa nidekei nTupu ka yaku. Apa kuasa haitu nidekeiNa ka yaku ala mompakaroso komiu, ledo ala mompakagero komiu.

2 Korintus 2:1

Jadi, nibotusikumo agina yaku domo tou ruru, apa ledo nipokonoku mompakasusa raramiu mpo anu najadi saeo.

2 Korintus 2:3

Bo haitumo patujuku notulisi sura ka komiu bara ipia. Apa ledaku tou ane aga masusa raraku manggita pokainggumiu. Kakanana komiu masipato mompakadamba raraku. Bo ane madamba yaku, tantu komiu muni madamba.

2 Korintus 3:10

Atura-atura nokolu naoge mpuu. Tapi ane kaoge haitu rapoposisala ante kaoge nu pojanji nabaru, namala raulita pojanji nokolu haitu domo ria kaogena.

Galatia 6:1

Sampesuvu-sampesuvu, ane rakavamiu roamiu sampomparasaya novia dosa, komiu anu natuvu nangoseaka Nosa Gasa nu Alatala kana manggeni ia manjili ri dala nakana. Tapi tesamiu ledo mamala makasara, kana malusu raramiu motesa ka ia. Bo pakabelo-belo! Nee sampe komiu mboto manavu riara dosa!

1 Tesalonika 2:7

Tapi ledo ivesia patuju kami. Tempo kami naria ri situ nte komiu bara ipia, pokainggu kami nalusu, nasimbayu nte mombine nombajagai ngana kodina.

Yakobus 3:17

Tona naria noto pompekirina anu nopuna lako nte Alatala, iamo tona nagasa rarana, ledo ria pokaingguna nadaa. Ia natuvu nosinggabelo ante tona ntanina bo nalusu rarana. Ia ledo nasombo tapi nasadia nantarima tesa lako nte tona ntanina. Naasi mpuu matana nanggita roana napakasi, bo nadea poviana nabelo. Ia ledo nompelenje, bo nanoa rarana.