1 Korintus 4:16 - Kaili Ledo

¹⁶ Yaku nompotove komiu mpo anaku mboto. Jadi haitu sampe yaku mpuu-mpuu merapi nte komiu, pasialamo pokaingguku.

1 Korintus 4:16 ပူးပေါင်းရင်းမြစ်များ

1 Korintus 11:1

Jadi pasialamo pokaingguku nasimbayu mpo yaku mboto nompasiala pokainggu i Kristus.

Filipi 3:17

Sampesuvu pura-pura, pasialamo pokaingguku, bo pariarantai munimo pokainggu ntona ntanina anu natuvu nangoseaka jonjo kami.

Filipi 4:9

Anu nipegurumiu bo nitarimamiu lako nte yaku, nau tesaku, nau jonjo nikitamiu riara nggatuvuku, haitumo kana rapoviamiu. Bo ane haitu rapoviamiu, Alatala momporoa komiu bo mompakatinonto raramiu.

1 Tesalonika 1:6

Bo tempo komiu nangepe Kareba Belo, nipasialamiu pokainggu kami bo pokainggu i Pue Yesus muni. Nau nipakasusa mpuu komiu, komiu nadamba nantarima Kareba Belo apa Nosa Gasa nu Alatala nompakadamba raramiu.

2 Tesalonika 3:9

Kakanana masipato kami merapi tulungi nte komiu. Tapi kami ledo nerapi tulungi sabana kami madota majadi jonjo anu mamala rapasialamiu.

Ibrani 13:7

Pekirikamo katuvu pakeni-pakeni anu nanggeni Tesa nu Alatala ka komiu bara ipia. Pariarantaimo jonjo katuvura bo kamatera, bo pasialamo pomparasayara.

1 Petrus 5:3

Bo nee damo dota-dota mompatundu topomparasaya anu niparasayaka komiu, tapi nabelopa komiu majadi jonjo anu masipato rapasialara.