1 Korintus 4:11 - Kaili Ledo

¹¹ Sampe sii-sii kami nasaro naara tai bo nabai tambolo. Kami nopakea nte sanjia-njia, kami niboba ntona bo ledo ria ponturo nikaroo kami.

1 Korintus 4:11 ပူးပေါင်းရင်းမြစ်များ

Matius 8:20

Nesana i Yesus, “Asulaku naria bolona rapaturuna bo tonji naria jumuna, tapi Yaku, Ana nu Manusia, ledo ria ponturoKu natantu Kupaturu.”

Suro-Suro 14:19

Naupu haitu, bara sako-ndua toYahudi lako ri ngata Antiokhia ri propinsi Pisidia bo muni lako ri ngata Ikonium nakava ri ngata Listra. ToYahudi haitu nantanara todea ri ngata Listra ala ira muni mangeva i Paulus sampe ira nombarempe i Paulus ante vatu bo niumbunjaira hau ri savaliku ngata. Niulira namatemo ia.

Suro-Suro 16:23

Naupu ira nicambu pakadua, nisuaraka ri ntarunggumo. Topojaga tarunggu nitudu mombajagai ira pakabelo-belo.

Suro-Suro 23:2

Nangepe tesa i Paulus, naraumo i Ananias, Pakeni nTopanggeni Pesomba. Bo nituduna tona ri sinjori i Paulus mombasapa sumba i Paulus.

Roma 8:35

Jadi, nuapa mamala mompopogaa kita lako ri tove i Kristus? Natantu ledo ria! Nau kita masusa atau mapari atau rapandasa ntona, nau kita maara mpai atau ledo ntoto ria pakea, nau kita rakava nu susa bara rapatesi, i Kristus bate-batena mompotove kita.

1 Korintus 9:4

Kami suro i Yesus natantumo masipato mantarima kandea bo panginu lako nte todea topomparasaya.

2 Korintus 11:20

Nosabara mpuu komiu ante pakeni anu nomparenta komiu mpo potudua, atau nompakaupu anumiu, atau nombaakalani komiu, atau nokainggu nasombo nte komiu, atau nosapa lenjemiu!

2 Korintus 4:8

Ntiku-ntiku topangeva kami, tapi kami ledo nidagi. Nasaro naingu rara kami tapi ledo naupu rara kami.

Filipi 4:12

Nisanikumo natuvu napepa bo nisaniku munimo natuvu nelabi. Nau bara nuapa najadi nte yaku, nisaniku nompakaosa raraku, nau tempo nabosu, nau tempo naara, nau yaku nelabi, nau yaku napepa.

2 Timotius 3:11

Nipeintamu mbotomo berimba yaku naroo tempo yaku nipandasa bo nipakasusa evamo najadi ri karoku ri ngata-ngata Antiokhia, Ikonium, bo Listra bara ipia. Yaku mpuu-mpuu nipandasa, tapi Tupu bate-batena nompakasalama yaku lako ri pura-pura kasusaku haitu.