1 Korintus 4:10 - Kaili Ledo

¹⁰ Kami nireke ntona todoyo sabana kami nangoseaka i Kristus. Tapi nangoseaka pekirimiu, komiumo topomparasaya nanoto! Kami nireke ntona nalente tapi nangoseaka pekirimiu, komiumo naroso! Kami nisalai ntona tapi komiu nitoiya ntona!

1 Korintus 4:10 ပူးပေါင်းရင်းမြစ်များ

Matius 24:9

Tempo haitu komiu rasaka bo radekei ka tona anu mompandasa komiu bo mompatesi komiu. Komiu rapovuu mata ntona lako ri umba-umba ngata sabana komiu topangoseaka Yaku.

Matius 5:11

Nabelo mpuumo ane komiu rasalai atau rapandasa atau rarai ntona sabana komiu topangoseaka Yaku.

Lukas 10:16

Pade nanguli i Yesus ka topangoseaka Ia, “Isema-sema nantarima tesamiu, nitarimana muni tesaKu. Isema-sema nompoara komiu, nipoarana muni Yaku. Bo isema-sema nompoara Yaku, nipoarana muni Alatala anu nombatudu Yaku.”

Lukas 18:9

I Yesus notesa porapa hitu ka tona nompekiri iramo tona nabelo bo nompandaente tona ntanina.

Lukas 6:22

Nabelo mpuu komiu ane rapovuu mata ntona, rasuko ntona, rasalai ntona bo sangamiu rapakadaa ntona sabana komiu nangoseaka Yaku, Ana nu Manusia.

Suro-Suro 17:18

Nosinjula tesa muni ia nte guru-guru anu nangoseaka pepatuduki i Epikuros bo guru-guru nangoseaka pepatuduki anu niuli Stoa. Bara sako-ndua guru-guru haitu nosisanai ante i Paulus. Naupu sia, naria sanu nanguli, “Nuapa nisani ntona moitu? Pangisanina aga sakide, tapi tesana nadea!” Bo naria tona ntanina nanguli, “Ia bara madota mompopaisani viata-viata nisomba ntosangatana ka kita!” Niulikara ivesia apa i Paulus notesa i Yesus, bo nitesana muni tona natuvu mpanjili lako ri kamatena.

Suro-Suro 17:32

Tempo todea nangepe tesa tomate natuvu mpanjili lako ri kamatena, naria sanu ira nompongirika i Paulus, sabana ledo niparasayara tomate mamala matuvu mpanjili. Tapi naria muni sanu nanguli, “Kami da madota mangepe hanupa tesamu tutu!”

Suro-Suro 26:24

Da notesa i Paulus nanjaliku karona, nongaremo Gubernur Festus, “Nabayamo iko, Paulus! Pangisanimu nadea tutu nompakabaya iko!”

Suro-Suro 9:16

Damo Yaku mboto manguli ka ia kasusa rakavana sabana nioseakana Yaku bo nipatolelena karebaKu.”

1 Korintus 1:21

Alatala napande mpuu, bo nipakatantuNa manusia ledo mamala mosisani ante Ia ane aga manjarumaka kapandera mboto. Tapi nibotusiNa mompakasalama isema-sema momparasaya Kareba Belo nipatolele kami. Tano mai tona ri dunia nanguli Kareba haitu aga tesa ntodoyo.

1 Korintus 1:23

Tapi kami aga nompatolele Kareba kamate i Kristus ri kayu salib. KamateNa haitu nompakadua rara ntoYahudi, bo nireke ntoYunani aga tesa ledo ria gunana.

1 Korintus 1:25

Apa kareba kamate i Kristus, anu nireke manusia ledo ria gunana, haitumo nompopakita kapande nu Alatala. Bo kapande nu Alatala neliupa pade kapande nu manusia. Panguli nu manusia, kamate i Kristus aga nompopakita kalente nu Alatala, tano mai anu niuli kalente nu Alatala haitu, nakuasapa pade pura-pura kuasa nu manusia.

1 Korintus 10:12

Jadi isema-sema nompekiri narosomo pomparasayana bo ledo mamala rapesori, pakabelo-belo! Nee sampe ia muni manavu riara dosa!

1 Korintus 2:14

Tona nangoseaka dotana mboto bo ledo naria Nosa Gasa nu Alatala nte ia, ledo nitarimana pepatuduki lako nte Nosa Gasa sabana nirekena pepatuduki haitu aga tesa ntodoyo. Ledo nipakulena mombapaha batuana sabana pepatuduki haitu aga namala rapaha ntona ante pekeniaka Nosa Gasa.

1 Korintus 2:3

Jadi tempo yaku naria nte komiu, yaku nalente bo nolete naeka.

1 Korintus 3:18

Nee mombabagiu karomiu mboto! Ane maria nte komiu tona nompekiri karona mboto napande ri panggita nu manusia, agina ia majadi madoyo ri panggita nu manusia ala ia mpuu-mpuu majadi mapande.

1 Korintus 3:2

Ledo nipakule ngana kodi nangande kandea ntotua. Ivesia muni komiu. Tempo haitu, nipatudukiku ka komiu pepatuduki masipato ka tona dopa naroso pomparasayara, sabana dopa nipakulemiu mantarima pepatuduki nakaja. Bo sampe sii-sii dopa muni nipakulemiu mantarimana

1 Korintus 4:8

Natantu nisarumakamiu nagana puramo nte komiu, nakalumanamo komiu riara mpengaya-ngaya. Nisarumakamiu komiu nomparenta mpo magaumo bo kami ledo. Mabelo mpuu ane makana komiu najadi magau, ala kami muni mamala momparenta mosanggani-nggani nte komiu!

2 Korintus 10:10

Nisaniku naria tona nanguli ivei: “Riara sura-sura i Paulus tesana nalonto bo nasodo, tapi ane ia mboto naria nte kita, ingguna damo nanonto, bo tesana ledo ria gunana.”

2 Korintus 11:19

Nikitaku komiu nadamba nosabara ante tona nadoyo, apa niulimiu komiu napande mpuu!

2 Korintus 11:29

Apa ane naria sampesuvu sampomparasaya nalente, yaku muni nombarasai kalentena haitu. Ane naria sanu nanavu riara dosa, yaku muni nasusa raraku nompekirika ira.

2 Korintus 13:9

Nadamba mpuu rara kami ane kami nalente, asaa komiu maroso momparasaya. Jadi kami bate-batena mosambaya ala pokainggumiu majadi mabelo pura.

2 Korintus 4:12

Jadi kami bate-batena nantingayo kamate ala manggeni komiu manggava katuvua nabelo sampe ri kasae-saena.

2 Korintus 6:8

Sanu tona nombabila kami, tapi sanu nanjalai kami. Sanu tona nantoiya kami tapi sanu nantunturaka kami. Nau kami nanoa, niuli ntona topebagiu.

1 Tesalonika 4:8

Jadi isema-sema nombasapuaka pepatuduki hitu, ledo manusia nisapuakana tapi Alatala anu nombadekei Nosa GasaNa ka komiu nisapuakana.

1 Petrus 4:14

Ane komiu rasalai ntona sabana komiu nangoseaka i Kristus, kana masana mpuumo komiu. Apa ane komiu rasalai sabana pomparasayamiu, batuana Nosa Gasa nu Alatala anu nakuasa, naria mpuu riara nggatuvumiu.