1 Korintus 3:15 - Kaili Ledo

¹⁵ Tapi ane ledo nabelo pokarajaana rakita nu Alatala, ledo maria tambo radekei ka ia. Malipo tambona tapi karona masalama. Ia masimbayu mpo tona napapu banuana bo damo karona nggoo ledo nikande nu apu.

1 Korintus 3:15 ပူးပေါင်းရင်းမြစ်များ

Suro-Suro 27:21

Bara sako-mbongi kasaena, tona riara kapala haitu ledo nangande. Jadi neanggamo i Paulus ri tatangara bo nanguli, “Sampesuvu-sampesuvu! Ane nioseakamiu tesaku bara ipia nanguli nee rapalaikata levuto Kreta, ledo mandasa kita bo ledo marugi ivehitu!

Suro-Suro 27:44

Tona ntanina metuntuni mombasaka dopi bo kayu bingga-bingga nu kapala. Ivesiamo kami pura-pura nasalama nesore ri kabatana.

1 Petrus 4:18

Riara Buku Gasa nitulisi ivei: “Iyapa tona nanoa nakaja rapakasalama, Nemopa tona nadosa anu ledo natundu nte Alatala!” Amsal 11:31

2 Yohanes 1:8

Jadi komiu kana mainga! Nee sampe anu nipatuduki kami ka komiu ledo maria aselena. Pasimbukumo mangoseaka pepatuduki nakana ala rakavamiu pura-pura belo nipakasadia nu Alatala ka komiu.

Yudas 1:23

Naria tona ntanina damo kasalandalana. Tulungimo ira ala ira rapakasalama lako ri pehuku, nasimbayu mpo porabutakamiu tona lako ri apu. Bo poasi munimo tona nikuasai dota rarara nadaa. Tulungi ira manjili ri dala nakana, tapi jagaimo, mbelaka komiu matekeni mangoseaka pokainggura nadaa. Potovemo tona nadosa tapi povuu matamo pokainggura.

Pompakita 3:18

Haitu sampe Kutevai ka komiu ivei: Alimo bulava nipakagasa riara apu lako nte Yaku ala komiu mpuu-mpuu makalumana ri panggitaKu. Bo ali munimo pakea mputi lako nte Yaku, ala komiu mamala mopakea bo ledo maeya matamiu rakita ntona komiu novuloa. Bo ali munimo pakuli ragese ri matamiu ala komiu mamala mekita mpanjili.