1 Korintus 3:14 - Kaili Ledo

¹⁴ Ane nabelo pokarajaara rakita nu Alatala, topokarajaa haitu manggava tambo lako nte Alatala.

1 Korintus 3:14 ပူးပေါင်းရင်းမြစ်များ

1 Korintus 3:8

Topotuda bo topodundusi nasimbayu, bo ira simbo mantarima tambo nangoseaka kantamo pokarajaara mboto.

1 Korintus 4:5

Jadi nee komiu masalisa mompakatantu sala ntona ane dopa nakava tempona. Popea sampe i Pue Yesus makava mpanjili ri dunia. Iamo mompakalanto pura-pura anu nitabuniaka ri kalandana sii-sii. Iamo mompakalanto mpengaya-ngaya patuju nitabuniaka riara ntai manusia. Ri tempo haitu, Alatala mombatoiya isema-sema masipato ratoiyaNa.

1 Korintus 9:17

Ane rapana dotaku mboto mompatolele Kareba haitu, tantu masipato yaku manggava tambo. Tapi ledo ivesia yaku. Yaku nompatolele Kareba Belo, ledo lako ri dotaku mboto. Bara kupodota bara ledo, kana kupatolele Kareba Belo apa haitumo pokarajaa niparasaya nu Alatala ka yaku.

Galatia 6:4

Aginapa simbo raparesana pokaingguna mboto ala rasanina bara nabelo pokaingguna bara ledo. Ane nabelo pokaingguna, mamala ia madamba mompekirika pokaingguna haitu. Ledo paraluu ia mompoposisala atau mompakasimbayu pokaingguna ante pokainggu ntona ntanina,

1 Tesalonika 2:19

Naoge rara kami mosinggava nte komiu, apa ane Tuputa Yesus Kristus meonga mpanjili bo kita mosinggava ri ngayoNa, komiumo majadi asele pokarajaa kami anu nisarumaka kami. Tempo haitu madamba mpuu rara kami sabana komiu, bo masana rara kami sabana pomparasayamiu.

2 Timotius 4:7

Nituntuniku belomo dala nipakatantu i Pue ka yaku; nipakaupukumo pokarajaa nidekeiNa ka yaku. Yaku ledo nolengga-lengga nomparasaya i Kristus sampe ri kaupuna.

1 Petrus 5:1

Naria muni anu kuuli ka komiu pakeni ntodea topomparasaya! Yaku nabia notulisi ka komiu sabana yaku muni pakeni ntopomparasaya, bo yaku mboto nanggita kasusa bo kapari nirasai i Kristus bara ipia. Bo ane i Kristus makava mpanjili bo mompopakita kuasaNa bo kaogeNa ka pura-pura manusia, yaku muni manggava bagia ri kuasaNa bo kaogeNa haitu. Jadi yaku mpuu-mpuu nerapi nte komiu

1 Petrus 5:4

Bo tempo i Kristus, Topoevu Nopoko, makava mpanjili ri dunia, radekeiNa ka komiu tambo, haitumo bagia ri kuasaNa bo kaogeNa anu ledo maupu-upu.