1 Korintus 2:6 - Kaili Ledo

⁶ Naupa ivesia, ane kami notesa ka topomparasaya anu naroso pomparasayana, naria muni kapande nipasimbayu kami ka ira. Tapi kapande haitu ledo nasimbayu ante kapande lako ri dunia nadaa hitu atau kapande ntopomparenta ri dunia nadaa hitu, apa kuasara nalipo-lipomo.

1 Korintus 2:6 ပူးပေါင်းရင်းမြစ်များ

Matius 13:22

Savua nanavu ranggarui nirapaka tona nangepe Tesa nu Alatala bo niparasayara. Tapi ira aga nasesa nompekirika katuvura mboto riara dunia hitu, bo ira aga naino ka doi. Haitu pura-pura nangupi Tesa nu Alatala sampe ledo ria aselena riara nggatuvura.

Matius 19:21

Nesana i Yesus, “Ane iko mpuu-mpuu madota majadi mabelo bo masipato manggava katuvua nabelo sampe ri kasae-saena, koimo pobalu puramo kakalumanamu bo dekei alina haitu ka tona napakasi ala mukava kakalumana ri suruga. Maupu haitu oseakamo Yaku!”

Matius 5:48

Jadi komiu kana mokainggu mabelo ante mpuu-mpuu raramiu, nasimbayu eva pokainggu nu Alatala, Tuamata ri suruga.”

Lukas 16:8

Tempo tona nakalumana haitu nangepe anu nipovia ntopompasiayu ledo nanoa haitu, nitoiyanamo topompasiayu haitu sabana natau noakala mangelo katuvu mabelo. Apa tona ledo nosisani nte Alatala natau nompasiayu katuvura nte roara. Nataupa ira pade tona natuvu ri reme nTupu nompasiayu katuvura ka tempo makava.

1 Korintus 1:28

NipelisiNa tona ledo ria nturona, tona nisalai bo tona nireke ledo ntoto ria gunana ri panggita ntona ri dunia, ala malanto anu nitoiya nu manusia ri dunia hitu ledo ria gunana.

1 Korintus 12:8

Saito tona nidekeika nu Nosa Gasa pompakule mapande motesa. Tona ntanina nidekeika nu Nosa Gasa haitu muni pompakule mombatentei anu nipopaisani nTupu ka ia.

1 Korintus 14:20

Sampesuvu-sampesuvuku, tumo mompekiri mpo ngana-ngana. Komiu kana manoto mpo tona nambasomo. Tapi ane anu daa, komiu kana masimbayu mpo ngana kodi anu dopa nisanina novia nadaa.

1 Korintus 2:1

Sampesuvu-sampesuvu, tempo yaku nakava nte komiu nanggeni Kareba Belo lako nte Alatala, yaku ledo notesa ante tesa-tesa nagaya bo napande.

1 Korintus 2:13

Jadi ane kami nompatuduki nombatesa Alatala, kami ledo notesa ante tesa-tesa napande nipatuduki ka kami nangoseaka kapande nu manusia, tapi ante tesa-tesa nipatuduki nu Nosa Gasa ka kami. Kami nombatentei pepatuduki lako nte Nosa Gasa ka tona naria Nosa Gasa haitu.

1 Korintus 2:8

Ledo ria saitoa topoparenta ri dunia nadaa hitu nangisani patuju nu Alatala haitu. Apa ane rapana nisanira patujuNa haitu, natantumo ledo rapakura ri kayu salib i Pue anu nakuasa.

1 Korintus 3:1

Sampesuvu-sampesuvu, tempo yaku naria nte komiu, ledo nitesaku ka komiu nasimbayu mpo nitesaku ka tona nikuasai Nosa Gasa nu Alatala. Tapi nitesaku ka komiu nasimbayu mpo nitesaku ka tona anu da nangoseaka dota rarara nadaa bo ledo naria Nosa Gasa, apa pomparasayamiu i Kristus dopa naroso. Komiu da mpo ngana kodi.

2 Korintus 1:12

Nadamba mpuu rara kami apa nisani kami nabula rara kami. Kami nasaro nokainggu nanoa nte tona pura-pura, nelabipa nte komiu. Pura-pura anu nipovia kami, ledo ria nuapa-nuapa nitabuniaka kami. Patuju kami nanoa, nangoseaka dota nu Alatala. Pokainggu kami ledo nangoseaka kapande nu manusia, tapi nangoseaka pompakule nidekei nu Alatala.

2 Korintus 13:11

Jadi sampesuvu-sampesuvuku, pakadambamo raramiu. Pasimbukumo mompakabelo pokainggumiu mpanjili. Tarimamo pepatudukiku hitu! Komiu kana matuvu mosangu pekiri bo mosangu rara, bo mosinggabelo. Bo Alatala, puna pepotove bo katinonto, mosanggani-nggani ante komiu.

2 Korintus 4:3

Ane da nariapa tona dopa nompaha Kareba Belo nipatolele kami, aga tona anu maropu bara maipia ledo nompahana, haitumo tona ledo nomparasaya.

2 Korintus 4:4

Ira ledo nomparasaya sabana Magau nu Seta anu nombakuasai dunia hitu nompakaburo pekirira ala ledo rakitara reme nu Kareba Belo. Kareba Belo haitu nompakalanto kaoge i Kristus anu nasimbayu ntoto ante Alatala.

Efesus 2:2

Komiu natuvu nangoseaka kabiasa-kabiasa nu manusia ri dunia hitu, haitumo komiu nangoseaka dota nu Magau Seta, pakeni nu kuasa-kuasa nadaa ri laerava. Iamo nombakuasai rara ntai ntona anu ledo natundu nte Alatala.

Kolose 1:28

Jadi Kareba i Kristusmo nipatolele kami ka pura-pura tona. Nipake kami pura-pura noto anu naria riara ntai kami nompopatora ira anu ledo mabelo rapoviara bo nompatuduki ira movia anu nabelo. Patuju kami ala pura-pura ira mamala rakeni mantingayo Alatala bo pomparasayara ledo makura nuapa-nuapa ri panggitaNa sabana posangu rarara ante i Kristus.

Kolose 4:12

Bo tabe muni lako nte i Epafras, batua i Yesus Kristus lako ri ngatamiu mboto. Ia bate-batena nekakai nte Alatala ante mpuu-mpuu rarana ala ledo molengga-lengga pomparasayamiu, bo ala komiu majadi topomparasaya anu ledo makura nuapa-nuapa ri panggita nu Alatala, bo ala komiu maroo mangoseaka pura-pura dota nu Alatala.

Ibrani 5:14

Tapi kandea nakaa aga nikande ntona nambasomo, haitumo tona nipakabiasamo karona mompoposisala anu nabelo bo anu nadaa.

Ibrani 6:1

Jadi sampesuvu-sampesuvu, nee kita aga mompekirika pepatuduki agama Kristen pamulana. Tapi aginamo kita meguru pepatuduki kapolana. Nee aga mombasili pepatuduki pamulana, evamo majea lako ri pokainggu nadaa anu ledo ria gunana, bo pepatuduki momparasaya Alatala.

Yakobus 3:15

Noto pompekiri ivehaitu ledo nopuna lako nte Alatala, tapi aga nopuna lako ri dunia nadaa hitu, lako ri dota rarata nadaa, bo lako ri seta-seta.

Yakobus 3:2

Kita pura-pura nasaro novia mpengaya-ngaya pokainggu nasala. Tapi tona ledo sanggani nasala tesana, iamo tona nagasa, bo nipakulena nombakuasai pura-pura dota nu rarana.

1 Petrus 5:10

Komiu kana mombarasai susa, tapi ledo masae. Maliu haitu Alatala mboto mompakagana nuapa-nuapa nakura nte komiu. Ia mompakaroo raramiu sampe ledo maria tona ntanina mamala mompopolengga atau mompopoura pomparasayamiu. Alatala mpuu-mpuu mompakaroso komiu apa nabelo mpuu raraNa bo Iamo nompokio komiu manggava bagia ri kuasaNa bo kaogeNa sampe ri kasae-saena sabana komiu nosangu rara ante i Kristus.