1 Korintus 2:4 - Kaili Ledo

⁴ Tesa nipatoleleku ledo niuliku ante tesa-tesa mpeopa anu nopuna lako ri kapande nu manusia. Tapi tempo yaku nompatolele kareba haitu, nikitamiumo kuasa lako ri Nosa Gasa nu Alatala.

1 Korintus 2:4 ပူးပေါင်းရင်းမြစ်များ

Suro-Suro 20:27

Apa, ledo nasau raraku nompatuduki ka komiu, pura-pura nia nu Alatala ka kita.

Suro-Suro 26:28

Nanguli Magau Agripa ka i Paulus, “Nisarumakamu yaku hii mamala kaliu-liu mupajadi toKristen?”

Roma 15:13

Alatala mpuu-mpuu puna panjarumakata! Kuperapi Ia mompakadamba mpuu raramiu bo mombadekei ka komiu katuvua mabelo sabana komiu nomparasaya Ia. Kuperapi panjarumakamiu nte Ia mantambai maroso ante kuasa lako ri Nosa GasaNa.

Roma 15:19

bo sabana kabaraka-kabaraka bo tanda-tanda nipokumaaka nipoviaku ante kuasa Nosa Gasa. Lako ri ngata Yerusalem sampe ri tana Ilirikum, nipatoleleku pura-pura Kareba Belo i Yesus Kristus ka tona.

Roma 16:18

Sabana, tona nokainggu ivehaitu ledo nokarajaa ka Tuputa i Kristus, tapi aga nangoseaka dotara mboto. Tona dopa nisanina belo pepatuduki nakana, nibagiura ante tesa-tesara napande bo namomi.

1 Korintus 1:17

Yaku ledo nitudu i Kristus mombadiu tona, tapi mompatolele Kareba Belo. Bo ane nompatolele Kareba haitu, yaku ledo notesa nangoseaka kapande nu manusia, mbelaka maria tona aga momparasaya sabana kapandeku motesa bo ledo rasanira mpuu kuasa i Kristus mompakasalama ira ante kamateNa ri kayu salib.

1 Korintus 2:1

Sampesuvu-sampesuvu, tempo yaku nakava nte komiu nanggeni Kareba Belo lako nte Alatala, yaku ledo notesa ante tesa-tesa nagaya bo napande.

1 Korintus 2:13

Jadi ane kami nompatuduki nombatesa Alatala, kami ledo notesa ante tesa-tesa napande nipatuduki ka kami nangoseaka kapande nu manusia, tapi ante tesa-tesa nipatuduki nu Nosa Gasa ka kami. Kami nombatentei pepatuduki lako nte Nosa Gasa ka tona naria Nosa Gasa haitu.

1 Korintus 4:20

Apa ane tona najadi todea riara Poparenta nu Alatala, kuasa nu Alatala rakita riara nggatuvuna, ledo aga tesa-tesa nggoo.

2 Korintus 6:6

Riara mpengaya haitu, nalantomo kami mpuu-mpuu batua nu Alatala, apa pokainggu kami nagasa, nisani kami Tesa nu Alatala, kami nosabara bo nabelo rara nte tona. Nosa Gasa nokarajaa riara nggatuvu kami bo kami nompotove tona ntanina ante rara mpuu-mpuu.

Galatia 1:10

Jadi, berimbamo, sampesuvu-sampesuvu? Yaku nanguli ivesia mbeki ratoiya ntona? Ledo ntoto nakana! Yaku aga madota ratoiya nu Alatala. Bara nipekirimiu yaku aga madota mompakadamba rara nu manusia. Tapi haitu ledo muni nakana, apa ane rapana yaku da nompasimbuku mompakadamba rara nu manusia, ledo masipato yaku majadi batua i Yesus Kristus!

Kolose 2:4

Patuju ntesaku hitu ala komiu ledo rabagiu ntona ante tesa-tesara anu mompakaluu raramiu.

1 Tesalonika 1:5

Apa tempo kami nompatolele Kareba Belo ka komiu, kami ledo aga notesa bayangi. Kami nompatolele kareba haitu ante kuasa bo petulungi Nosa Gasa nu Alatala, bo kami mboto nomparasaya riara ntai kami tesa haitu mpuu-mpuu nakana. Nipeintamiumo katuvu kami tempo kami nonturo nte komiu. Pura-pura nipovia kami ala manggeni belo ka komiu.

1 Petrus 1:12

Bo Alatala nompakalanto ka ira anu nibotora haitu ledo nosinggambela ante ira mboto tapi nosinggambela ante komiu anu natuvu sii-sii. Kajadia-kajadia nibotora haitu, nipatolele ntopanggeni Kareba Belo ka komiu sii-sii. Nikenira kareba haitu ante petulungi Nosa Gasa nu Alatala, anu nipopanau lako ri suruga. Kakanana malaeka-malaeka nTupu mboto nadota mangisani batuana kajadia-kajadia pangane anu nipatolele ka komiu.

2 Petrus 1:16

Kami nompatuduki ka komiu kuasa nTuputa Yesus Kristus bo kakavaNa mpanjili ri dunia hitu. Pepatuduki kami haitu ledo nangoseaka patesa-patesa nipovia nu manusia. Tapi kami mboto nanggita kaogeNa anu nipokumaaka.

2 Petrus 2:18

Apa ira nombasovadaka ante nalanga rara, tapi tesa-tesara ledo ria gunana. Ante tesara niopara tona dako nenonto novega nte roara nadaa pokaingguna. Tona haitu niopara ante nompadidisi dota rarara nadaa ala raoseakara mpanjili pokainggu nadaa anu dako nikabasakara.