1 Korintus 16:20 - Kaili Ledo

²⁰ Nadea muni tabe lako nte pura-pura topomparasaya ri sii. Posipakavotekamo tabe saito-saito ante pepotove.

1 Korintus 16:20 ပူးပေါင်းရင်းမြစ်များ

Matius 5:47

Bo ane komiu aga nabelo nte roamiu mboto, natantumo pokainggumiu haitu ledo mbeki ratoiya. Nau tona ledo nosisani nte Alatala nabelo nte roara mboto!

Roma 16:16

Posipakavotemo tabe ante mpuu-mpuu rara, mpo sampesuvu sampomparasaya i Kristus. Pura-pura topomparasaya i Kristus ri sii nompakavote tabera ka komiu muni.

Roma 16:21

I Timotius, roaku sampokarajaa nompakavote tabe ka komiu. Ivesia muni i Lukius, i Yason bo i Sosipater, roa-roaku toYahudi.

Roma 16:23

Tarima muni tabe lako nte i Gayus. Yaku i Paulus, nipalogana nonturo ri banuana, bo topomparasaya ri sii muni biasa nasiromu nodade ri banuana. Tarimamo tabe lako nte i Erastus, topompasiayu doi ri ngata hitu. Bo tarima muni tabe lako nte sampesuvuta i Kwartus.

Filipi 4:22

Tarima muni tabe lako nte pura-pura todea nu Alatala ri ngata hitu, nelabipa ira lako ri banua Magau Mbaso Kaisar.

1 Tesalonika 5:26

Pakavote tabe bo tove kami ka pura-pura sampesuvuta sampomparasaya ri situ.

Ibrani 13:24

Pakavote tabe kami ka pura-pura pakenimiu bo ka pura-pura todea nu Alatala ri situ. Bo tarimamo tabe lako nte sampesuvuta sampomparasaya ri propinsi Italia.

1 Petrus 5:14

Posipakabotemo tabe ante tove, mpo tona nosampesuvu sampomparasaya. Kuperapi Alatala mombadekei katinonto ka komiu pura-pura anu nosangu rara ante i Kristus. Tabe lako nte yaku, Petrus