1 Korintus 16:12 - Kaili Ledo

¹² Ane sampesuvuta i Apolos, nadea ngganimo nituduku tou mompelioda komiu mosanggani-nggani ante topomparasaya-topomparasaya ntanina. Tapi hitu-hitu ia dopa nadota tou. Ane maria loga nabelo ntanina ngena, pade tou ia.

1 Korintus 16:12 ပူးပေါင်းရင်းမြစ်များ

Markus 6:21

Kaupuna i Herodias nanggava loga nabelo ala i Yohanes mamala rapatesi. Ri eo pombatoraki Magau Herodes, nipoviana posusa bo nigagana pura-pura tomaoge, tadulako-tadulako bo totua-totua lako ri njumangu bagia Galilea.

Suro-Suro 15:34

[Tapi kaupuna ledo hau i Silas. Niulina monturo ri ngata Antiokhia ruru.]

Suro-Suro 18:24

Tempo haitu, naria saito toYahudi nosanga i Apolos. Ia lako ri ngata Aleksandria ri tana Mesir bo nakava ri ngata Efesus. I Apolos mai natau mpuu notesa, bo nisanina mpuu isi Buku Gasa.

Suro-Suro 19:1

Tempo i Apolos da naria ri ngata Korintus, i Paulus nompesayo ngata-ngata ri buluna ri bagia Galatia bo Frigia, sampe nakava ri ngata Efesus. Ri sia ia nosinggava ante bara sako-ndua topomparasaya i Yesus.

Suro-Suro 24:25

I Paulus nanguli pokaingguta kana manoa, bo kita ledo mamala mangoseaka dota rarata nadaa, apa makava Eo Potangara ngena tempo Alatala mombatangara pura-pura manusia. Nangepe tesa i Paulus, naeka mpuumo i Feliks. Nanguli ia, “Ivesiamo ruru. Ane maria loga damo kupokio pade motesa vai kita.”

1 Korintus 1:12

Batuana, sanu komiu nanguli, “Yaku hii topangoseaka i Paulus.” Naria sanu nanguli, “Yaku hii topangoseaka i Apolos.” Naria ntanina nanguli, “Yaku hii topangoseaka i Petrus.” Naria muni ntanina nanguli, “Yaku hii topangoseaka i Kristus.”

1 Korintus 3:22

I Apolos, i Petrus, bo yaku nidekei nu Alatala ka komiu majadi topotulungi komiu. NidekeiNa muni katuvu nabaru ka komiu bo nikabasakaNa komiu lako ri kamate. Nuapa-nuapa naria riara dunia hitu, nuapa-nuapa najadi sii-sii bo nuapa-nuapa majadi bara maipia nipakatantu nu Alatala manggeni belo ka komiu. Pura-pura haitu bagiamiu,

1 Korintus 3:5

Pekirimo! Isema yaku? Bo isema i Apolos? Kami aga batua-batua nu Alatala nanggeni komiu nomparasaya i Yesus. Kami aga batua anu simbo nokarajaa pokarajaa nidekei nu Alatala ka kami.

Titus 3:13

Pasimbukumo mantulungi i Zenas, guru agama, bo i Apolos, ala ira mamala mompapola polipara bo ledo makura nuapa-nuapa.

Titus 3:4

Tapi nau kita nokainggu nadaa bara ipia, Alatala nompotove kita bo nipopakitaNa kabelo raraNa tempo nipakasalamaNa kita lako ri dosata.