1 Korintus 15:55 - Kaili Ledo

⁵⁵ “Heh, kamatea! Nidagimo iko! Domo ria kuasamu mompandasa manusia!” Hosea 13:14

1 Korintus 15:55 ပူးပေါင်းရင်းမြစ်များ

Lukas 16:23

Nandasa mpuu ia ri sia. Nitingoana ri kalangana, nikitana Nabi Abraham ri ponturona nakavao, bo i Lazarus nonturo ri sinjorina.

Suro-Suro 2:27

Sabana, ledo rapalambaMiu yaku maboli ri ponturo ntomate. Ledo rapalambaMiu karobataku maboli riara dayo sampe mapopo majadi avu, sabana Yaku batuaMiu nipelisiMiu.

Suro-Suro 9:5

Nekutana i Saulus, “Isema komiu, tua?” Nesana topotesa haitu, “Yakumo i Yesus, tona nipandasamu.

Roma 5:14

Tapi naupa ivesia, nompamula lako ri tempo i Adam sampe ri tempo i Musa pura-pura manusia kana mamate, nau dosara ledo nasimbayu nte dosa i Adam anu nombaliunaka anu niparenta nu Alatala ka ia. I Adam namala rapasimbayu ante tona neonga nggapurina, haitumo i Yesus. Kasimbayuna, asele anu nipoviara nambela pura-pura manusia.

1 Korintus 15:56

Manusia naeka ka kamatea sabana nisanira ane mamate ira kana rahuku sabana dosara. Bo manusia nadosa sabana niliunakara Atura agama.

Pompakita 9:10

Lelo nggaboro gahaitu nasimbayu mpo lelo nu supitole, bo bisa nu lelona haitu nasimbayu mpo bisa pesii nu supitole. Ri lelora haitu naria bisa mompakandasa manusia lima-mbula kasaena.