1 Korintus 15:5 - Kaili Ledo

⁵ Naupu haitu nipopakitaNa karoNa ka i Petrus bo ka ana-anaguruNa sapulu randua.

1 Korintus 15:5 ပူးပေါင်းရင်းမြစ်များ

Markus 16:14

Naupu haitu, i Yesus nompopakita karoNa ka sapulu saitopa anaguruNa tempo ira nonturo nangande nosanggani-nggani. NionteakaNa ira sabana nakura pomparasayara bo nakaa bagara sampe ledo nadota nomparasaya tesa nu roara anu nanggita Ia natuvu mpanjili.

Yohanes 1:42

Bo nikeninamo i Simon hau nte i Yesus. Tempo ira nakava hamai, nikita i Yesusmo i Simon bo niuliNa, “Iko Simon ana i Yohanes. Tapi nompamula sii-sii sangamu i Kefas.” (Kefas nasimbayu batuana ante Petrus, batuana, “vatu”.)

Suro-Suro 10:41

Tapi ledo pura-pura tona nanggita Ia, aga kami nipelisi nu Alatala nokolu majadi sabi-sabiNa. Naliu i Yesus natuvu mpanjili, kami nangande bo nanginu nosanggani-nggani nte Ia.

1 Korintus 1:12

Batuana, sanu komiu nanguli, “Yaku hii topangoseaka i Paulus.” Naria sanu nanguli, “Yaku hii topangoseaka i Apolos.” Naria ntanina nanguli, “Yaku hii topangoseaka i Petrus.” Naria muni ntanina nanguli, “Yaku hii topangoseaka i Kristus.”

1 Korintus 3:22

I Apolos, i Petrus, bo yaku nidekei nu Alatala ka komiu majadi topotulungi komiu. NidekeiNa muni katuvu nabaru ka komiu bo nikabasakaNa komiu lako ri kamate. Nuapa-nuapa naria riara dunia hitu, nuapa-nuapa najadi sii-sii bo nuapa-nuapa majadi bara maipia nipakatantu nu Alatala manggeni belo ka komiu. Pura-pura haitu bagiamiu,

1 Korintus 9:5

Natantumo kami muni masipato moberei nte topomparasaya bo manggeni berei kami mosanggani-nggani riara polipa kami, nasimbayu mpo anu nipovia nu suro-suro ntanina bo sampesuvu-sampesuvu i Pue Yesus mboto bo i Petrus.