1 Korintus 15:47 - Kaili Ledo

⁴⁷ Manusia paratama haitu nipajadi lako ri tana bo nonturo ri dunia hitu. Tapi i Kristus, anu nireke i Adam karanduana, nopuna lako ri suruga.

1 Korintus 15:47 ပူးပေါင်းရင်းမြစ်များ

Matius 1:23

“Saito randaa matiana bo mompoanaka saito ngana langgai. Bo ngana haitu rapoposanga i Imanuel.” Yesaya 7:14 (Imanuel riara basa Ibrani batuana: “Alatala mosanggani ante kita.”)

Lukas 2:11

Bongina hitu ri ngata pompoanaka Magau Daud, nipoanakamo saito magau mompakasalama komiu. Iamo i Pue, anu nipelisi nu Alatala.

Yohanes 3:31

I Yesus anu nanau lako ri suruga naogepa pade pura-pura manusia. Manusia biasa lako ri dunia hitu, aga nombatesa anu najadi ri dunia hitu. Tapi Ia anu nanau lako ri suruga naogepa pade pura-pura manusia.

Yohanes 6:33

Apa kandea nopuna lako ri Alatala, haitumo Ia anu nanau lako ri suruga bo nombadekei katuvua ka manusia.”

Suro-Suro 10:36

Sampesuvu-sampesuvu, nisanimiu mbotomo isi kareba nipasimbayu nu Alatala ka kami toIsrael. Kareba haitu nanguli i Yesus Kristus anu nompoposinggabelo manusia ante Alatala. I Yesusmo Tuputa pura-pura, ledo aga Tupu ntoYahudi.

1 Korintus 15:45

Riara Buku Gasa naria nitulisi ivei: “Manusia paratama, i Adam, nipakatuvu nu Alatala.” Kajadia 2:7 Tapi i Adam kaupuna, haitumo i Kristus, nombadekei katuvu nabelo sampe ri kasae-saena.

1 Korintus 15:46

Anu najadi nokolu ledo karo anu masipato monturo ri suruga, tapi karo manusia biasa. Karo anu masipato monturo ri suruga najadi ri puri.

2 Korintus 5:1

Karota ri dunia hitu nirapaka tenda niponturota sampalai. Bo nisanita ane mageromo tenda hitu, Alatala mombadekei ka kita banua ri suruga anu ledo nipovia manusia bo bate-batena sampe ri kasae-saena, haitumo karo nabaru.

1 Timotius 3:16

Nabelo mpuu pepatuduki nakana niparasayata, anu dopa nisani ntona nggaulu tapi sii-sii nipopaisani nu Alatala ka kita ivei: Ia najadi manusia bo Nosa Gasa nosabiki Ia mpuu-mpuu tona nipelisi nu Alatala. Ia nikita nu malaeka nu Alatala bo karebaNa nipatolele ka tona dopa nosisani nte Alatala. Ia niparasaya ntona ri umba-umba ri dunia bo Ia nianggataka hau ri suruga.