1 Korintus 15:45 - Kaili Ledo

⁴⁵ Riara Buku Gasa naria nitulisi ivei: “Manusia paratama, i Adam, nipakatuvu nu Alatala.” Kajadia 2:7 Tapi i Adam kaupuna, haitumo i Kristus, nombadekei katuvu nabelo sampe ri kasae-saena.

1 Korintus 15:45 ပူးပေါင်းရင်းမြစ်များ

Yohanes 1:4

Iamo puna katuvua nabelo, bo katuvua nabelo nompakareme pekiri nu manusia.

Yohanes 10:10

Ane topangangga, ia aga tumai mangangga, mepatesi, bo mompakagero. Tapi Yaku hii nakava ala manusia manggava katuvua mabelo bo katuvua haitu ledo ria kakurana.”

Yohanes 10:28

Yaku nombadekei ka ira katuvu mabelo sampe ri kasae-saena bo ira ledo ntoto rapopogaa lako nte Alatala. Ledo ntoto maria saitoa tona mamala mangago bimbaKu lako nte Yaku.

Yohanes 14:19

Damo sampalai rakita ntona Yaku ri dunia hitu. Tapi komiu da rakitamiu Yaku. Bo komiu matuvu mabelo sabana Yaku matuvu mpanjili.

Yohanes 14:6

Nesana i Yesus, “Yakumo hii dala, Yakumo nompopaisani anu nakana bo Yakumo nombadekei katuvua nabelo. Ledo ria saitoa mamala makava ri ngayo nTuamaKu ane ledo ante Yaku.

Yohanes 4:10

Nesanamo i Yesus, “Ane musani anu nidekei nu Alatala bo ane musani isema Yaku anu nerapi uve inu lako nte iko, natantu muperapi muni lako nte Yaku bo Kudekei ka iko uve anu nombadekei katuvua mabelo.”

Yohanes 4:14

Tapi isema-sema manginu uve Kudekei ka ia, domo mabai tambolona sampe ri kasae-saena. Sabana uve Kudekei ka ia haitu majadi uve mpemata moili lako riara ntaina bo nombadekei katuvua mabelo ka ia sampe ri kasae-saena.”

Yohanes 5:21

TuamaKu nompakatuvu mpanjili tona namate bo nombadekei katuvua nabaru ka ira. Ivesia muni Yaku, AnaNa, mombadekei katuvua nabaru ka isema-sema nipodotaKu.

Yohanes 6:33

Apa kandea nopuna lako ri Alatala, haitumo Ia anu nanau lako ri suruga bo nombadekei katuvua ka manusia.”

Yohanes 6:54

Tapi isema-sema mangande isi karoKu bo manginu raaKu, iamo matuvu mabelo sampe ri kasae-saena, bo Kupakatuvu mpanjili ia ri kaupu nu dunia.

Yohanes 6:57

TuamaKu anu nantudu Yaku, Iamo puna katuvua nabelo, bo katuvuKu nopuna lako nte Ia. Ivesia muni tona anu mangande isi karoKu, katuvuna mopuna lako nte Yaku.

Yohanes 6:63

Kuasa nu manusia ledo mompakule nombadekei katuvua nabelo, aga Nosa Gasa nu Alatala. Tesa-tesa niuliKu ka komiu, nakava lako ri Nosa Gasa bo tesa-tesa haitumo nombadekei katuvua nabelo.

Yohanes 6:68

Nesana i Simon Petrus, “Pue, nte isema rakalau kami? Aga Komiu nombatesa tesa anu nombadekei katuvua mabelo sampe ri kasae-saena.

Suro-Suro 3:15

Komiumo nombatudu tona nompatesi Ia, tano Iamo topombadekei katuvu nabelo sampe ri kasae-saena ka manusia. Bo Alatala nompakatuvu mpanjili Ia lako ri kamateNa. Kami najadi sabiNa, sabana kami mboto nanggita i Yesus natuvu mpanjili.

Roma 5:17

Nompamula lako ri peliunaka ntona saito, pura-pura manusia mamate. Tapi naogepa aselena lako ri anu nipovia ntosaitona, i Yesus Kristus! Alatala mpuu-mpuu nabelo nte kita bo nidekeiNa ka kita pedekei bayangi, haitumo, kita nipajadiNa nanoa ri panggitaNa sabana anu nipovia i Yesus. Isema-sema nantarima pedekeiNa haitu manggava kuasa bo katuvu nabelo sampe ri kasae-saena.

Roma 5:21

Bara ipia dosa nakuasa riara nggatuvu manusia sampe pura-pura manusia kana mamate bo rapopogaa lako nte Alatala. Tapi sii-sii, pepotove nu Alatala nakuasa riara nggatuvuta. Apa lako ri pepotoveNa haitu, Alatala nombareke kita nanoa ri panggitaNa bo nidekeiNa ka kita katuvua nabelo sampe ri kasae-saena. Haitu pura nipoviaNa sabana Tuputa i Yesus Kristus.

Roma 8:2

Apa Nosa Gasa anu nanggeni kita natuvu nosangu rara nte i Yesus Kristus, nombakabasaka kita lako ri kuasa dosa bo kamatea.

1 Korintus 15:46

Anu najadi nokolu ledo karo anu masipato monturo ri suruga, tapi karo manusia biasa. Karo anu masipato monturo ri suruga najadi ri puri.

Filipi 3:21

Tempo Ia makava, rabalikiNa karota nalente bo mamate, ala majadi masimbayu nte karoNa mboto anu nelabi kaogena bo ledo mamate. Namala rapoviaNa ivesia sabana kuasaNa naogepa pade pura-pura kuasa ntanina bo Iamo nombakuasai pura-pura anu naria.

Kolose 3:4

I Kristusmo nombadekei katuvu nabaru ka komiu. Tempo Ia meonga mpanjili ri dunia, kuasaNa bo kaogeNa rakita mpuu, bo kaoge katuvumiu nabaru rakita muni sabana komiu mosanggani-nggani nte Ia.

Ibrani 9:14

nemopa raa i Kristus anu nelabipa kabisana! I Kristus nombadekei karoNa mboto ka Alatala najadi pesomba anu ledo ria kakurana. Haitu nipoviaNa ante petulungi Nosa Gasa, anu naria sampe ri kasae-saena. Raa i Kristus nompakagasa rara ntaita lako ri pokaingguta ledo ria gunana ala kita mamala metupu nte Alatala anu natuvu sampe ri kasae-saena.

Pompakita 16:3

Naupu sia malaeka karanduana nombabusaka isi tubuna riara ntasi. Bo tasi haitu najadi mpo raa mate sampe pura-pura anu natuvu riara ntasi, namate.

Pompakita 21:6

Bo niuliNa ka yaku, “Naupu puramo! Yakumo hii Pamulana bo Kaupuna. Yaku nompamula bo Yaku muni nompakaupu. Isema-sema nabai tambolona Kudekeika uve lako ri mata nu uve anu nombadekei katuvua nabelo sampe ri kasae-saena. Uve haitu Kudekei bayangi, ledo paraluu rabayari.

Pompakita 22:1

Bo malaeka haitu nompopakita ka yaku, Yohanes, sangu binangga, uvena damo nenggila mpo kaca nevayo. Bo uvena nombadekei katuvua nabelo. Binangga haitu nemata lako ri Gadera Kamagaua nu Alatala bo Ana Bimba,

Pompakita 22:17

Nosa Gasa bo boti mombine anu nasadia rapoberei nu Ana Bimba haitu nanguli, “Kamaimo!” Bo pura-pura tona nangepe tesa hitu kana manguli, “Kamaimo!” Isema-sema nabai tambolona, kamaimo! Isema-sema madota, kamaimo manginu uve anu nombadekei katuvua. Uve haitu nidekei bayangi, ledo paraluu raali.