1 Korintus 15:43 - Kaili Ledo

⁴³ Karobata anu nitana ledo namala novia nuapa-nuapa bo nadaa nikita. Tapi ane rapakatuvu mpanjili, maroso bo magaya rakita.

1 Korintus 15:43 ပူးပေါင်းရင်းမြစ်များ

Matius 13:43

Tapi tona nanoa pokaingguna kana mareme eva mata eo riara Poparenta nTuamara Alatala. Isema-sema naria talinga, pariaramo tesaKu hitu!”

Yohanes 8:49

Nesana i Yesus, “Yaku ledo nipesua nu seta. Yaku nombabila TuamaKu, tapi aga nisalaimiu Yaku.

1 Korintus 6:14

Bo karota ledo ratedaka nu Alatala. Ante kuasaNa mboto Alatala nompakatuvu mpanjili i Pue Yesus lako ri kamateNa, bo ivesia muni kita rapakatuvuNa mpanjili lako ri kamateta.

2 Korintus 13:4

I Kristus nalente mami tempo Ia nipaku ri kayu salib sampe namate. Tapi Ia natuvu mpanjili sabana kuasa lako nte Alatala. Kami anu nosangu rara ante i Kristus, nalente muni nasimbayu mpo Ia bara ipia. Tapi kami natuvu ante kuasa nu Alatala, nasimbayu mpo i Kristus, bo ane mantingayo komiu ngena kami, rakitamiu kuasa nidekei nu Alatala ka kami.

Filipi 3:10

Naoge mpuu raraku mosisani ante i Kristus bo mombarasai kuasa anu nompakatuvu mpanjili Ia lako ri kamateNa. Bo yaku madota muni mombarasai susa bo pari nasimbayu mpo susa bo pari nirasaiNa, sampe bara yaku muni mamate masimbayu mpo Ia

Kolose 3:4

I Kristusmo nombadekei katuvu nabaru ka komiu. Tempo Ia meonga mpanjili ri dunia, kuasaNa bo kaogeNa rakita mpuu, bo kaoge katuvumiu nabaru rakita muni sabana komiu mosanggani-nggani nte Ia.