1 Korintus 15:42 - Kaili Ledo

⁴² Ivesia muni ante karobata ntomate anu rapakatuvu mpanjili. Karobata anu nitana mapopo. Tapi ane karobata rapakatuvu mpanjili domo mamate domo mapopo.

1 Korintus 15:42 ပူးပေါင်းရင်းမြစ်များ

Matius 13:43

Tapi tona nanoa pokaingguna kana mareme eva mata eo riara Poparenta nTuamara Alatala. Isema-sema naria talinga, pariaramo tesaKu hitu!”

Suro-Suro 2:27

Sabana, ledo rapalambaMiu yaku maboli ri ponturo ntomate. Ledo rapalambaMiu karobataku maboli riara dayo sampe mapopo majadi avu, sabana Yaku batuaMiu nipelisiMiu.

Roma 1:23

Ira ledo nadota netupu nte Alatala anu batena natuvu bo ledo mamate. Ira aga netupu nte anu nipoviara mboto nolenje mpo manusia, mpo tonji, mpo ule, bo mpo binata ntanina, anu kana mamate.

Roma 2:7

Sanu tona ledo nasau rarara nokainggu nabelo sabana ira madota ratoiya bo rabila nu Alatala, bo madota manggava katuvu nabelo anu ledo maupu-upu. Bo Alatala mombadekei katuvu nabelo sampe ri kasae-saena ka tona gahaitu.

Roma 8:21

Haitumo, pura-pura isi nu dunia nanjarumaka makava tempona bara maipia, dunia rakabasaka lako ri kuasa manggeni kamatea, bo dunia mpuu-mpuu makabasaka bo mombarasai kaoge anu radekei ka ana-ana nu Alatala nosanggani-nggani nte ira.

1 Korintus 15:41

Kagaya nu mata eo sangayana, bo kagaya nu bula sangayana muni. Bo kagaya nu betue sangayana muni, bo betue mboto simbo nosisala kagayana.

Galatia 6:8

Batuana, ane tona batena natuvu nangoseaka dota rarana nadaa, aselena, ia mamate bo rapopogaa lako nte Alatala. Tapi ane tona natuvu nangoseaka dota Nosa Gasa nu Alatala, rakavana katuvua nabelo sampe ri kasae-saena anu radekei nu Nosa Gasa.

1 Petrus 1:4

Kita nanjarumaka manggava belo nipakasadia nu Alatala ka pura-pura todeaNa. Belo haitu ledo magero, ledo mapopo, ledo mabali, bo nijagaiNa ri suruga ka kita.