1 Korintus 15:36 - Kaili Ledo

³⁶ Nadoyo mpuu komiu mompekutana ivesia! Nau bara nuapa ratuda ri talua, ledo matuvu ane anguna ledo ralovu ri tana ntani!

1 Korintus 15:36 ပူးပေါင်းရင်းမြစ်များ

Lukas 11:40

Nadoyo mpuu komiu! Alatala ledo aga nompajadi karomiu tapi nipajadiNa muni rara ntaimiu!

Lukas 12:20

Tapi Alatala nanguli ka ia, ‘Heh, todoyo! Bongi hitu iko mamate. Pura-pura anu nipakasadiamu, isema tupuna ngena?’ ”

Lukas 24:25

Nangepe haitu, i Yesus nanguli ka ira, “Nadoyo mpuu komiu! Nakumba mpuu pekirimiu momparasaya anu nitesa nu nabi-nabi nggaulu!

Yohanes 12:24

Pariaramo tesaKu hitu: ane angu mpae ledo ratuda ri tana, pae haitu bate-batena aga sangu, ledo movua. Tapi ane angu mpae haitu ratuda ri tana, kaupuna pae haitu movua madea.

Roma 1:22

Pangulira iramo tonoto pekiri, tano aga todoyo!

1 Korintus 15:37

Bo anu nitudamiu haitu aga batuna nggoo, nau angu gando bara angu tuda-tuda ntanina. Ledo nituda njumanggayu, aga anguna nituda.

Efesus 5:15

Sabana haitu, pekiri pakabelo katuvumiu; nee matuvu mpo tona nadoyo, tapi komiu kana matuvu mpo tona nanoto.

Yakobus 2:20

Nadoyo mpuu komiu ane raulimiu naganamo momparasaya bayangi, ledo paraluu mokainggu nabelo! Ledo ria gunana pomparasaya ivehaitu.