1 Korintus 15:3 - Kaili Ledo

³ Nitarimaku kareba nelabi nopoko bo haitumo nipasimbayuku ka komiu. Haitumo, i Kristus namate sabana dosata bo haitu najadi nangoseaka anu nitulisi riara Buku Gasa.

1 Korintus 15:3 ပူးပေါင်းရင်းမြစ်များ

Matius 26:24

Yaku, Ana nu Manusia, kana mamate nangoseaka anu nitulisi riara Buku Gasa. Tapi mandasa mpuu tona mompobalu Yaku! Aginapa tona haitu ledo nipoanaka ntinana.”

Matius 26:28

sabana hitumo raaKu rapatiti ka todea ngena ala mompakaasa Pojanji nu Alatala nabaru. RaaKu hitu rapatiti ka todea ala dosa-dosara raampungi.

Lukas 24:25

Nangepe haitu, i Yesus nanguli ka ira, “Nadoyo mpuu komiu! Nakumba mpuu pekirimiu momparasaya anu nitesa nu nabi-nabi nggaulu!

Yohanes 1:29

Eo kamailena i Yohanes nanggita i Yesus nakava tumai nanggaparai ia, bo niulina ka tona hamai, “Peintamo! Tumaimo Ana Bimba nipakasadia nu Alatala anu mompakalali dosa manusia!

Suro-Suro 17:2

Jadi i Paulus hau ri banua petupu haitu nangoseaka kabiasana bo nosinjula pekiri ante tona nasiromu ri sia. Talu-minggu nosunju-sunju ri eo penonto, ia notesa isi Buku Gasa ka ira.

Suro-Suro 3:18

Nabi-nabi nggaulu anu niposumba nu Alatala nanguli Magau Topepakasalama kana mombarasai susa bo pari. Anu nipoviamiu hitu nompakadupa anu niuli nu Alatala ka nabi-nabiNa.

Suro-Suro 8:32

Hitumo tesa-tesa lako ri buku Nabi Yesaya nibacana haitu: Ia mpo bimba niumbu rakeni rasambale, mpo ana bimba ledo nombee nigau buluna. Ivesia muni ia ledo ntoto ria sambelaa notesa.

Roma 3:25

Alatala nombadekei i Yesus Kristus rapatesi bo raaNa natiti. Ia nihuku raposompo dosa manusia. Jadi lako ri raaNa natiti, dosata namala raampungi ane kita nomparasaya i Yesus. Tempo nggaulu, Alatala nompalamba dosa manusia. Ledo nihukuNa sabana posabaraNa. Tapi ane ledo rahukuNa dosata, tantu Ia ledo nanoa. Jadi ante kamate i Yesus, Alatala nompopakita kanoaNa.

Roma 4:25

I Yesus nidekei nu Alatala rapatesi mombasompo dosata bo naupu haitu Ia nipatuvu mpanjili ala kita mamala majadi manoa ri panggita nu Alatala.

1 Korintus 11:2

Sampesuvu-sampesuvu, yaku nantoiya komiu sabana komiu batena nantora yaku riara mpengaya-ngaya, bo komiu naroo nangoseaka pepatuduki nipatudukiku ka komiu.

1 Korintus 11:23

Nipatudukikumo ka komiu bara ipia batuana nangande bo nanginu nosanggani-nggani mantora kamate i Yesus. Pepatuduki haitu nitarimaku lako nte i Pue Yesus mboto. Bongi i Pue Yesus nipobalu ka baliNa, nialaNa roti,

2 Korintus 5:21

I Kristus ledo ntoto nadosa. Tapi Alatala nompoposimbuaka ka Ia dosata bo nipoviaNa Ia mpo tona nadosa ala manjambei kita. Alatala novia haitu ala kita anu nosangu rara nte i Kristus majadi manoa ri panggitaNa.

Galatia 1:12

Kareba Belo ledo nitarimaku lako nte manusia, bo ledo muni manusia nompatuduki yaku. Tapi i Yesus Kristus mbotomo nompopaisani Kareba Belo haitu ka yaku.

Galatia 1:4

I Yesus nombadekei karoNa rapatesi mombasompo dosata nangoseaka dota nTuamata Alatala. PatujuNa ala Ia mamala mombakabasaka kita lako ri kuasa nu dunia nadaa.

Galatia 3:13

Kita manusia masipato rahuku nu Alatala, sabana kita pura-pura nombaliunaka AturaNa. Tapi i Kristus nombakabasaka kita lako ri pehuku haitu, sabana tempo Ia namate ri kayu salib, Iamo nihuku manjambei kita. Nisanita i Kristus nihuku nu Alatala sabana naria tesa riara Buku Gasa nanguli ivei: “Isema-sema namate niloe ri kayu, haitu tandana ia nihuku nu Alatala.”

Efesus 1:7

Kita nikabasaka lako ri pehuku nu dosa sabana raa kamate i Kristus bo posangu rarata nte Ia. Dosata niampungi nu Alatala sabana toveNa anu nelabi kaogena.

Efesus 5:2

Bo komiu kana matuvu mompotove roa, nasimbayu mpo i Kristus nompotove kita. Lako ri toveNa haitu, nidekeiNa karoNa nipatesi ala mombatolosi kita. PoviaNa haitu nompakadamba rara nu Alatala nasimbayu mpo pesomba navangi nisomba ka Ia.

Ibrani 5:1

Pura-pura Pakeni nTopanggeni Pesomba nipelisi lako nte todea bo nianggataka manjambei todea mantingayo Alatala. Pokarajaara haitu, manggeni pedekei-pedekei ka Alatala bo pesomba-pesomba anu majadi posompo dosa.

Ibrani 5:3

Jadi ane nikenira pesomba ka Alatala mombasompo dosa ntodea, kana rakenira muni posompo ka dosara mboto.

1 Petrus 2:24

I Yesus mbotomo nanjimbuaka dosa-dosata tempo Ia nipaku ri kayu salib, ala kita rakabasaka lako ri kuasa nu dosa bo matuvu mangoseaka dota nu Alatala. Bo kita nipakabelomo lako ri baka-baka i Kristus.

1 Petrus 3:18

Apa i Kristus muni nombarasai kasusa nau ledo novia anu nadaa. Ia aga sanggani namate nombasompo dosa manusia nagana sampe ri kasae-saena. Ia ledo nasala, tapi Ia namate nanjambei kita anu nasala, ala mompoposinggabelo kita ante Alatala. Ia nipatesi tapi nipakatuvu mpanjili ante kuasa Nosa Gasa nu Alatala.

1 Yohanes 2:2

I Yesus namate nombatanggu dosa-dosata. Bo ledo aga dosata nitangguNa, tapi pura-pura dosa manusia.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.