1 Korintus 15:23 - Kaili Ledo

²³ Tona namatemo kana rapakatuvu mpanjili nangoseaka sunjuna nipakatantu. I Kristus tona pamulana nipakatuvu mpanjili. Bo maliu haitu tona nosangu rara nte Ia rapakatuvuNa mpanjili tempo Ia makava mpanjili ri dunia.

1 Korintus 15:23 ပူးပေါင်းရင်းမြစ်များ

Matius 16:27

Jadi, oseakamo Yaku nau sampe mamate. Apa domo masae Yaku, Ana nu Manusia makava lako ri suruga ante kuasa bo reme lako nte TuamaKu, mosanggani-nggani ante malaeka-malaekaNa. Bo tempo haitu Kubalasi pura-pura tona nangoseaka pokaingguna.

Matius 16:28

Pariaramo tesaKu hitu! Naria bara sako-ndua komiu ri sii ledo mamate ane dopa rakitara Yaku, Ana nu Manusia, makava ri dunia hitu eva Magau.”

Suro-Suro 26:23

haitumo, Magau Topepakasalama anu nijanji nu Alatala, kana mombarasai susa bo mamate. Ia kana majadi tona paratama anu namate bo natuvu mpanjili ala rakeniNa reme ka pura-pura manusia, ka toYahudi bo tona ledo toYahudi, ala rasanira berimbana Alatala mompakasalama manusia.”

1 Korintus 15:20

Tapi i Kristus mpuu-mpuu nipakatuvu mpanjili. Bo katuvuNa mpanjili haitu najadi panggingisi nompakatantu pura-pura topangoseaka Ia anu namatemo, rapakatuvu mpanjili muni.

1 Korintus 15:52

Riara sampida mata tempo tabue i Pue rapopomoni ri kaupu nu dunia, tona anu namatemo rapakatuvu mpanjili ante karo anu domo mapopo, bo kita pura-pura anu da natuvu rabaliki muni.

1 Korintus 3:23

bo komiu bagia i Kristus, bo i Kristus bagia nu Alatala.

1 Korintus 6:14

Bo karota ledo ratedaka nu Alatala. Ante kuasaNa mboto Alatala nompakatuvu mpanjili i Pue Yesus lako ri kamateNa, bo ivesia muni kita rapakatuvuNa mpanjili lako ri kamateta.

2 Korintus 10:7

Sampesuvu-sampesuvu, pekirikamo anu nikitamiu! Ane maria tona nanguli ia mpuu-mpuu bagia i Kristus, kana ratorana kami muni bagia i Kristus, nasimbayu mpo ia.

Galatia 3:29

Jadi ane komiu todea i Yesus Kristus, komiu muni muli-muli i Abraham. Bo komiu muni masipato mantarima anu nijanji nu Alatala ka i Abraham.

Galatia 5:24

Isema-sema nosangu rara ante i Yesus Kristus, nireke dota rarara nadaa namate nosanggani-nggani nte i Kristus tempo Ia nipaku ri kayu salib. Batuana, ira domo nikuasai dota rarara nadaa.

Filipi 3:11

ala yaku muni mamala rapakatuvu mpanjili lako ri kamateku.

1 Tesalonika 2:19

Naoge rara kami mosinggava nte komiu, apa ane Tuputa Yesus Kristus meonga mpanjili bo kita mosinggava ri ngayoNa, komiumo majadi asele pokarajaa kami anu nisarumaka kami. Tempo haitu madamba mpuu rara kami sabana komiu, bo masana rara kami sabana pomparasayamiu.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.