1 Korintus 14:6 - Kaili Ledo

⁶ Sampesuvu-sampesuvu, ane rapana yaku makava nte komiu bo mompake basa-basa nopuna lako nte Nosa Gasa, nuapa gunana haitu ka komiu? Natantu ledo ntoto ria gunana. Tapi kana mariapa gunana ka komiu ane kupakalanto pepatuduki nitarimaku lako nte Alatala, atau kutentei ka komiu pangisaniku Alatala, atau kupasimbayu tesa nitarimaku lako nte Alatala, atau kupatuduki komiu.

1 Korintus 14:6 ပူးပေါင်းရင်းမြစ်များ

Matius 11:25

Tempo haitu nosambayamo i Yesus. NiuliNa, “Tata, Komiumo Tupu nu langi bo tana. Yaku nosukuru nte Komiu sabana nipopaisaniMiu pura-pura anu pangane ka tona ledo natau. Tapi nitabuniakaMiu ka tona nangisani bo tona napande,

Matius 16:17

Nanguli i Yesus, “Mabelo mpuu iko, Simon, ana i Yunus! Sabana, ledo manusia nompopaisani haitu ka komiu. TuamaKu ri suruga nompopaisani ka iko isema Yaku.

Matius 16:26

Nuapa gunana rakavamiu pura-pura anu naria ri dunia tapi ledo manggava katuvua nabelo sampe ri kasae-saena? Ledo ria nuapa-nuapa namala rasulamiu ka katuvua nabelo haitu.

Suro-Suro 2:42

Topangoseaka i Yesus nabaru haitu natutu mpuu nangepe pepatuduki nu suro-suro, bo ira nasaro nasiromu nosanggani-nggani. Ira nasaro nangande nosanggani-nggani nombatubi roti mantora kamate i Yesus, bo nosambaya nosanggani-nggani.

Roma 15:14

Sampesuvu-sampesuvuku, nisaniku mboto komiu batena nokainggu nabelo nte tona ntanina, bo nisanimiumo pura-pura anu masipato rapoviamiu, bo nipakulemiu mosipakaroso rara.

Roma 16:17

Sampesuvu-sampesuvuku, kuperapi ante mpuu-mpuu ala komiu mainga nte tona anu nompoposibali todea topomparasaya bo madota mompakanavu komiu ante pepatuduki anu nangeva pepatuduki nakana nipatuduki ka komiu. Tumo mosimporoa ante tona ivehaitu!

Roma 6:17

Bara ipia, dopame niparasayamiu i Yesus, komiu najadi batua nu dosa. Tapi nosukuru mpuu nte Alatala! Sii-sii komiu mpuu-mpuu nangoseaka pepatuduki nakana anu nipatolele ka komiu.

1 Korintus 10:33

Yaku mboto nompasimbuku matuvu mompakadamba pura-pura rara ntona riara mpengaya-ngaya pokaingguku. Yaku ledo aga nompekirika kabelo karoku mboto tapi yaku nompekirika kabelo ntona pura-pura, ala ira pura-pura mamala rapakasalama.

1 Korintus 14:1

Jadi sampesuvu-sampesuvu, pasimbukumo momparibavo mompotove tona ntanina. Bo pasimbuku munimo manggava pompakule-pompakule lako nte Nosa Gasa. Bo pompakule nogunapa haitumo pompakule mompasimbayu tesa nitarima lako nte Alatala.

1 Korintus 14:7

Pekirimo pareva-pareva musi anu ledo noinosa, evamo suli bara koronjo. Ane pareva musi haitu ledo rapopomoni pakalanto, berimba rasani ntona dade mbana nipodadeka?

2 Korintus 11:6

Naupa nakana yaku ledo napande notesa ri ngayo ntodea, ledo ivesia pangisaniku, apa nisaniku mpuu pepatuduki nakana. Haitu bate-batena nipopakita kami ka komiu riara mpengaya-ngaya pepatuduki bo pokainggu kami bara ipia.

2 Korintus 12:1

Yaku kana mangoe karoku mboto, nau ledo ria gunana. Jadi kutesa ruru anu nipopakita bo anu nipopaisani i Pue Yesus ka yaku.

2 Korintus 12:7

Tapi ledo mabelo ane malanga gaga raraku nantora pura-pura anu nipokumaaka nipopakita i Yesus ka yaku. Haitumo sabana nidekeiNa dua mompandasa yaku. Dua haitu nirapaka suro lako ri Magau nu Seta nompandasa yaku ala yaku ledo majadi masombo.

Efesus 1:17

Yaku nekakai nte Tuamata Alatala anu nakuasa bo naoge, anu nisomba nTuputa Yesus Kristus. Yaku nerapi ala Ia mombadekei Nosa GasaNa ka komiu. Bo Nosa Gasa mompakanoto raramiu bo mompopaisani Alatala ka komiu sampe komiu mpuu-mpuu mosisani belo ante Alatala.

Efesus 3:4

bo ane rabacamiu, rasanimiu muni anu nipopaisani ka yaku, haitumo, patuju nu Alatala anu nipakadupa riara nggatuvu i Kristus.)

Filipi 3:15

Jadi, kita toroso nomparasaya kana mosangu pekiri mompasimbuku mangoseaka i Kristus evamo niuliku pangane. Tapi ane maria pekirimiu da nosisala nte pekiriku, damo Alatala mboto mompakanoto raramiu.

2 Timotius 2:14

Popatoramo pura-pura tesaku hitu ka topomparasaya. Ri panggita nu Alatala anu nosabiki pura-pura, ulika ira nee mosinjanaika batua ntesa. Haitu ledo ntoto naria gunana bo aga mompakagero pomparasaya ntopangepe.

2 Timotius 3:10

Tapi, Timotius, nisanimumo yaku ledo nasimbayu nte tona pangane. Nipariaramumo pepatudukiku, nipasialamumo pokaingguku bo patuju katuvuku. Nisanimumo pomparasayaku, posabaraku, pepotoveku bo pantidamakaku riara kasusa.

2 Timotius 3:16

Pura-pura tesa riara Buku Gasa nopuna lako nte Alatala mboto bo noguna mompatuduki anu nakana, mangonteaka tona nasala, mombatulungi tona mompakabelo pokainggura nadaa, bo mompatuduki tona matuvu manoa ri panggita nu Alatala.

2 Timotius 4:2

Patolelemo Tesa nu Alatala. Iko kana mompasimbuku mompatolele Tesa haitu nau bara ratarima ntona bara ledo. Popaisani ka tona ane masala pokainggura, onteakamo tona novia dosa, bo pakadidimo rarara mokainggu mabelo. Nee masau raramu mompatuduki ira.

Titus 3:8

Tesa hitu mpuu-mpuu nakana. Jadi yaku madota ala iko mompakaoto pepatuduki haitu, ala topomparasaya Alatala mompasimbuku mokainggu nabelo. Pepatuduki pangane nabelo bo noguna ka manusia.

Ibrani 13:9

Nee sampe komiu masalandala lako ri pepatuduki nakana ante mangoseaka mpengaya-ngaya pepatuduki anu nontani lako ri pomparasayata, evamo pepatuduki atura-atura pangande. Nadea tona bara ipia nangoseaka atura-atura pangande, tapi atura haitu ledo nanggeni belo ka topangoseakana. Aginapa kita mompakaroso rarata mompekirika kabelo rara nu Alatala, apa haitumo anu nanggeni belo ka kita.

2 Petrus 1:5

Alatala nabelo mpuu nte komiu, jadi haitumo sabana komiu kana mpuu-mpuu mompasimbuku ala pomparasayamiu mosinggeni nte pokainggu nabelo. Bo kana rasanimiu dota nu Alatala.

2 Petrus 3:18

Tapi komiu kana mantambai mosisani belo ante Tuputa Yesus Kristus, Topepakasalama, bo mantambai mombarasai kabelo raraNa riara nggatuvumiu. Iamo masipato ratoiyata bo rabilata, sii-sii bo sampe ri kasae-saena. Amin. Tabe lako nte yaku, Petrus

2 Yohanes 1:9

Isema-sema nasalandala lako ri pepatuduki nakana bo ledo nioseakana pepatuduki i Kristus, ia ledo nosangu rara nte Alatala. Tapi isema-sema naroo nangoseaka pepatuduki i Kristus, ia nosangu rara nte Tuamata Alatala bo i Yesus, Ana nu Alatala.