1 Korintus 14:5 - Kaili Ledo

⁵ Dotaku ala komiu pura-pura mompake basa-basa nopuna lako ri Nosa Gasa. Tapi mabelopa ane komiu mompasimbayu tesa nu Alatala. Apa nompasimbayu tesa nu Alatala nogunapa pade nompake basa-basa nopuna lako ri Nosa Gasa. Tapi ane maria tona mompakule mombabatuasi tesa-tesa nopuna lako nte Nosa Gasa haitu, naria gunana apa todea topomparasaya mamala mangisani batuana bo pomparasayara rapakaroso.

1 Korintus 14:5 ပူးပေါင်းရင်းမြစ်များ

Markus 16:17

Tona nomparasaya radekeika kuasa movia kabaraka-kabaraka, evamo mompopalai seta-seta ante kuasaKu. Ira motesa ante basa-basa anu ledo nipegurura.

Roma 14:19

Haitu sampe kita kana mompasimbuku matuvu mosinggabelo ante roata, bo mosipakaroso rara.

1 Korintus 12:10

Bo tona ntanina nidekeika pompakule movia kabaraka. Tona ntanina nidekeika pompakule mompasimbayu tesa nitarimana lako nte Alatala, bo tona ntanina nidekeika pompakule mompoposisala anu nopuna lako ri Nosa Gasa bo anu nopuna lako ri kuasa-kuasa ntanina. Bo tona ntanina nidekeika pompakule notesa basa-basa anu nopuna lako ri Nosa Gasa. Bo sanupa vai nidekeika pompakule mombabatuasi tesa-tesa lako ri basa-basa haitu.

1 Korintus 13:1

Ane rapana kupakule motesa mpengaya-ngaya basa manusia bo basa-basa malaeka, tapi ane ledo kupotove tona ntanina, tesa-tesaku haitu ledo ntoto ria gunana. Tesaku haitu nasimbayu mpo goo naoni atau gimba nitinti pakamangga, ledo ria isina.

1 Korintus 13:4

Tona nompotove roana nandoe posabarana bo nabelo rarana. Ia ledo nasiriati, ledo nangoe, bo ledo nalanga rarana.

1 Korintus 14:1

Jadi sampesuvu-sampesuvu, pasimbukumo momparibavo mompotove tona ntanina. Bo pasimbuku munimo manggava pompakule-pompakule lako nte Nosa Gasa. Bo pompakule nogunapa haitumo pompakule mompasimbayu tesa nitarima lako nte Alatala.

1 Korintus 14:17

Nau posambayata haitu mabelo mpuu, tapi ledo ria gunana ka tona ntanina, sabana pomparasayana ledo nipakaroso nangepe posambayata.