1 Korintus 14:36 - Kaili Ledo

³⁶ Berimba? Nasituju komiu ante atura-atura haitu? Toramo, Tesa nu Alatala ledo nopuna lako nte komiu! Bo ledo aga komiu nipatoleleka tesa haitu!

1 Korintus 14:36 ပူးပေါင်းရင်းမြစ်များ

Suro-Suro 17:1

I Paulus bo i Silas nompapola polipara noliu ri ngata Amfipolis bo ngata Apolonia sampe nakava ri ngata Tesalonika. Ri sia naria banua petupu ntoYahudi.

Suro-Suro 17:15

Tona nanggeni i Paulus, nomporoa ia sampe nakava ri ngata Atena. Naupu sia nanjilimo ira hau ri ngata Berea, nanggeni petevai i Paulus ka i Silas bo i Timotius ala ira masalisa mombatuntuni ia hau ri ngata Atena.

1 Korintus 14:35

Ane ira madota mangisani bara nuapa, aginamo rapekutanara nte bereira tempo manjili ri banuara mboto. Sabana, ledo masipato mombine motesa-tesa mompakagado kasiromu ntopomparasaya.

1 Korintus 14:37

Ane maria tona mompekiri ia nabi anu nidekeika pompakule mompasimbayu tesa nitarimana lako nte Alatala, atau maria pompakule ntanina lako nte Nosa Gasa, tantu rasanina tesa-tesa nitulisiku hitu parenta lako nte i Pue Yesus.

1 Korintus 4:7

Isema nanguli komiu nelabipa pade tona ntanina? Nuapa naria nte komiu anu ledo nidekei nTupu ka komiu? Jadi nakuya komiu nangoe-ngoe? Nisarumakamiu anu naria nte komiu asele mpoviamiu mboto?

1 Tesalonika 1:8

Nompamula nte komiu, kareba i Yesus natolelemo sampe ri propinsi Makedonia bo Akhaya. Bo ledo aga haitu. Ri umba-umba ngata niepe ntonamo tesa pomparasayamiu Alatala. Jadi, ledo paraluu kami motesaki pomparasayamiu, sabana ri umba-umba nikalau kami, tesa haitu nisani ntonamo.