1 Korintus 14:31 - Kaili Ledo

³¹ Ane ivesia, komiu pura-pura mamala mompasimbayu tesa nu Alatala mosimpaleliu saito-saito ala pura-pura topomparasaya mamala rapatuduki bo rapakaroso.

1 Korintus 14:31 ပူးပေါင်းရင်းမြစ်များ

Roma 1:12

Patujuku ala yaku muni rapakaroso sabana pomparasayamiu, jadi kita mpasanggani-nggani mosipakaroso rara.

1 Korintus 14:19

Tapi nau ivesia, ane masiromu todea topomparasaya, aginapa kupake lima-mbela tesa anu nisani ntodea ala mombatulungi ira. Haitu nelabipa kabelona pade mompake sapulu njobu-mbela tesa riara basa anu ledo nisani ntona batuana.

1 Korintus 14:3

Tapi ane tona nompasimbayu tesa nu Alatala, ia notesa ka manusia bo tesana haitu nompakaroso rara roa ntanina bo nompakadidi rarara, bo nompakavoe rarara.

1 Korintus 14:30

Tapi ane maria tona ntanina nonturo ri sia, bo sampesanika naria tesa lako nte Alatala netuu riara ntaina, topotesa pamulana kana menonto ala tona karanduana haitu mamala mompasimbayu tesa nu Alatala anu dako netuu riarana.

1 Korintus 14:32

Toramo! Tona nompakule mompasimbayu tesa nitarimana lako nte Alatala, nompakule nombakuasai karona mboto, haitumo ia namala notesa atau menonto notesa nantuntuni dotana mboto.

1 Korintus 14:35

Ane ira madota mangisani bara nuapa, aginamo rapekutanara nte bereira tempo manjili ri banuara mboto. Sabana, ledo masipato mombine motesa-tesa mompakagado kasiromu ntopomparasaya.

2 Korintus 1:4

Ia nompakaroso rara kami riara mpengaya-ngaya kasusa bo kapari nirasai kami, ala karoso rara nitarima kami lako nte Alatala, rapake kami mompakaroso rara ntona ntanina anu nombarasai kasusa bo kapari.

Efesus 6:22

Ia nituduku tou nte komiu bo manguli anu najadi nte kami ri sii, ala raramiu rapakavoe.

Kolose 2:2

Yaku nompasimbuku ala raramiu pura-pura rapakaroso bo komiu mosangu rara bo mosimpotove. Apa ane ivesia, pomparasayamiu mpuu-mpuu maroso bo komiu ledo molengga-lengga sabana nisanimiumo anu nakana. Jadi komiu mosisani belo nte i Kristus, Iamo poko nia nu Alatala, nia anu nitabuniaka lako ri nggauluname.

1 Tesalonika 4:18

Sabana haitu, sampesuvu-sampesuvu, posipakavoemo raramiu ante pepatuduki hitu.

1 Tesalonika 5:11

Sabana haitu, sampesuvu-sampesuvu, posipakadidimo raramiu, bo posipakarosomo pomparasayamiu mpo anu nipoviamiumo.

1 Tesalonika 5:14

Kami merapi nte mpuu-mpuu rara, onteakamo tona namau nokarajaa. Pakarosomo rara ntona naeka. Tulungimo tona anu paraluu ratulungi. Posabaramo nte tona pura-pura.

1 Tesalonika 5:20

Nee mompandaente tesa ntona anu nompapola tesa nidekei nu Alatala ka ia.