1 Korintus 14:28 - Kaili Ledo

²⁸ Ane ledo ria tona mompakule mombabatuasi tesara haitu, agina topotesa basa haitu malino riara kasiromu haitu. Agina basa haitu rapakera riara ntaira mboto ka Alatala.

1 Korintus 14:28 ပူးပေါင်းရင်းမြစ်များ

1 Korintus 14:27

Ane maria tona motesa mompake basa-basa anu nopuna lako nte Nosa Gasa, nee meliu lako ri randua atau tatalu topotesa, bo saito-saito ira kana mosimpaleliu motesa. Bo kana maria tona mompakule mombabatuasi tesara haitu.

1 Korintus 14:29

Ane tona mompasimbayu tesa nitarimana lako nte Alatala, nabelo ane randua atau tatalu motesa. Tona ntanina kana mompetalingai pakabelo-belo ala rataserera anu nitesa haitu bara lako nte Alatala bara ledo.

1 Tesalonika 5:21

Pekirikamo pakabelo-belo tesa-tesa haitu, ala rasanimiu bara lako nte Alatala mpuu bara ledo bo oseakamo anu nabelo.