1 Korintus 14:22 - Kaili Ledo

²² Jadi ane nipaketa basa-basa anu nopuna lako nte Nosa Gasa, tesata haitu tandana kuasa nu Alatala ka tona ledo nomparasaya, ledo ka topomparasaya. Tapi ane nipasimbayuta tesa nu Alatala, tesata haitu tandana kuasa nu Alatala ka topomparasaya, ledo ka tona ledo nomparasaya.

1 Korintus 14:22 ပူးပေါင်းရင်းမြစ်များ

Markus 16:17

Tona nomparasaya radekeika kuasa movia kabaraka-kabaraka, evamo mompopalai seta-seta ante kuasaKu. Ira motesa ante basa-basa anu ledo nipegurura.

Lukas 12:46

Tempo batua haitu movia madaa ivesia, sampesanika madikana manjilimo ri eo bo jaa ledo nisanina. Batua haitu rahuku bo ratedaka ri savalikuna nasimbayu mpo tona ledo natundu nte Alatala.

1 Korintus 14:1

Jadi sampesuvu-sampesuvu, pasimbukumo momparibavo mompotove tona ntanina. Bo pasimbuku munimo manggava pompakule-pompakule lako nte Nosa Gasa. Bo pompakule nogunapa haitumo pompakule mompasimbayu tesa nitarima lako nte Alatala.

1 Timotius 1:9

Nisanita muni patuju nu Atura-atura haitu ledo mombatagi tona nanoa. Tapi patuju Atura-atura haitu mombatagi tona nombaliunaka atura, tona nadaa, topesapuaka, tona nadosa, tona ledo natundu nte Alatala, tona aga nompekiri kasana dunia bo ledo nompeili agama, tona nompatesi tina tuamana mboto, bo ka pura-pura topepatesi ntanina.