1 Korintus 14:2 - Kaili Ledo

² Ane tona notesa basa-basa nopuna lako nte Nosa Gasa, ia notesa ka Alatala, ledo notesa ka roa. Apa ledo nisani nu roa batua ntesana. Ia notesa ante pekeniaka Nosa Gasa, bo nitesana anu dopa nisani nu manusia.

1 Korintus 14:2 ပူးပေါင်းရင်းမြစ်များ

Matius 13:11

Nesana i Yesus, “Bara ipia dopa nisani nu manusia berimba Poparenta nu Alatala. Sii-sii Alatala nompopaisanina ka komiu, tapi ledo nipopaisaniNa ka todea.

Markus 16:17

Tona nomparasaya radekeika kuasa movia kabaraka-kabaraka, evamo mompopalai seta-seta ante kuasaKu. Ira motesa ante basa-basa anu ledo nipegurura.

Markus 4:11

Nangulimo i Yesus ka ira, <

Suro-Suro 10:46

Nisanira tona haitu nikuasai Nosa Gasa sabana niepera ira notesa ante basa-basa nidekei nu Nosa Gasa ka ira bo nantoiya kaoge nu Alatala. Jadi i Petrus nanguli ka roana,

Suro-Suro 19:6

I Paulus nombadika palena ri balenggara bo kaliu-liu Nosa Gasa nu Alatala nombakuasai ira. Pade ira notesa ante basa-basa nidekei nu Nosa Gasa ka ira bo nipasimbayura tesa lako nte Alatala.

Suro-Suro 22:9

Pura-pura tona nomporoa yaku nanggita reme haitu, tapi ledo niepera suara notesa ka yaku.

Roma 16:25

Ratoiyata Alatala! Ia nakuasa mompakaroso pomparasayamiu mpo niuli ri Kareba Belo nipatoleleku, haitumo kareba i Yesus Kristus. Kareba i Kristus haitumo nia nu Alatala anu nitabuniakaNa lako ri lamba pamulana.

1 Korintus 12:10

Bo tona ntanina nidekeika pompakule movia kabaraka. Tona ntanina nidekeika pompakule mompasimbayu tesa nitarimana lako nte Alatala, bo tona ntanina nidekeika pompakule mompoposisala anu nopuna lako ri Nosa Gasa bo anu nopuna lako ri kuasa-kuasa ntanina. Bo tona ntanina nidekeika pompakule notesa basa-basa anu nopuna lako ri Nosa Gasa. Bo sanupa vai nidekeika pompakule mombabatuasi tesa-tesa lako ri basa-basa haitu.

1 Korintus 12:28

Ri tatangamiu sampomparasaya, Alatala nanganggataka tona mantui mpengaya-ngaya bago. Pamulana naria tona nianggatakaNa majadi suroNa. Bo karanduana, naria tona nianggatakaNa majadi nabi mompasimbayu tesa nitarimana lako nte Alatala. Katataluna, naria anu nianggatakaNa majadi guru. Bo naria muni nidekeikaNa pompakule movia kabaraka. Naria nidekeikaNa pompakule mompakabelo dua-dua ntona. Naria nidekeikaNa pompakule mantulungi tona ntanina, naria nidekeikaNa pompakule manggeniaka todea, bo naria nidekeikaNa pompakule motesa basa-basa anu nopuna lako ri Nosa Gasa.

1 Korintus 13:1

Ane rapana kupakule motesa mpengaya-ngaya basa manusia bo basa-basa malaeka, tapi ane ledo kupotove tona ntanina, tesa-tesaku haitu ledo ntoto ria gunana. Tesaku haitu nasimbayu mpo goo naoni atau gimba nitinti pakamangga, ledo ria isina.

1 Korintus 13:2

Bo ane kupakule mompasimbayu tesa-tesa nitarimaku lako nte Alatala, bo ane kusani mpengaya-ngaya anu nitabuniaka bo kusani muni mpengaya-ngaya pangisani ntanina, bo pomparasayaku maroso mpuu sampe yaku mamala mantudu bulu molinja, tapi ane ledo kupotove tona ntanina, katuvuku ledo ntoto ria gunana.

1 Korintus 14:16

Rapana kita manguli tarima kasi ka Alatala ante mompake basa nopuna lako ri Nosa Gasa. Ane maria tona ntanina mangepena, berimbamo ia manguli “Amin! Nakana tu!” ane ledo nisanina batuana tesata?

1 Korintus 14:26

Jadi sampesuvu-sampesuvuku, nuapa rapoviata? Ivei: ane kita masiromu mombasomba Alatala, saito-saito simbo maria bagiana. Sanu tona modade, sanu mompatuduki, sanu mompakalanto tesa nitarimana lako nte Alatala. Sanu tona motesa riara basa-basa nopuna lako nte Nosa Gasa, bo tona ntanina mombabatuasi tesa-tesa haitu ala rasani ntodea batuana. Pura-pura anu nipoviamiu haitu kana rapovia ala mompakaroso pomparasaya ntodea.

1 Korintus 15:51

Pariaramo! Kupopaisani ka komiu anu nitabuniaka nu Alatala lako ri lamba pamulana! Ledo pura-pura kita mamate, tapi kita pura-pura kana rabaliki nau kita da natuvu atau namatemo.

1 Korintus 2:10

Tapi belo nipakasadia nu Alatala haitu, nipopaisaniNa ka kita lako ri Nosa GasaNa. Apa Nosa Gasa nu Alatala nangisani mpengaya-ngaya, sampe nau patuju nu Alatala anu dopa nisani nu manusia, nisaniNa pura.

1 Korintus 2:7

Kapande nipatolele kami, iamo kapande lako nte Alatala. Kapande haitu ledo nisani ntona ri dunia. Tapi dopame dunia nipajadi, Alatala nonia mamimo mompopaisani kapandeNa haitu ka kita sii-sii. Haitu nipoviaNa ala manggeni belo ka kita.

Efesus 6:19

Bo posambayaka muni yaku ala tempo yaku motesa, Alatala mombadekei ka yaku tesa-tesa masipato, bo nau bara nuapa majadi, yaku mabia mompatolele Kareba Belo anu ledo nisani ntona nggaulu.

Kolose 2:2

Yaku nompasimbuku ala raramiu pura-pura rapakaroso bo komiu mosangu rara bo mosimpotove. Apa ane ivesia, pomparasayamiu mpuu-mpuu maroso bo komiu ledo molengga-lengga sabana nisanimiumo anu nakana. Jadi komiu mosisani belo nte i Kristus, Iamo poko nia nu Alatala, nia anu nitabuniaka lako ri nggauluname.

1 Timotius 3:16

Nabelo mpuu pepatuduki nakana niparasayata, anu dopa nisani ntona nggaulu tapi sii-sii nipopaisani nu Alatala ka kita ivei: Ia najadi manusia bo Nosa Gasa nosabiki Ia mpuu-mpuu tona nipelisi nu Alatala. Ia nikita nu malaeka nu Alatala bo karebaNa nipatolele ka tona dopa nosisani nte Alatala. Ia niparasaya ntona ri umba-umba ri dunia bo Ia nianggataka hau ri suruga.

1 Timotius 3:9

Ia kana maroo momparasaya pepatuduki nakana anu nipopaisani nu Alatala ka kita, bo kana mangoseaka pepatuduki haitu ante mpuu-mpuu rarana.

Pompakita 10:7

Ane malaeka kapapituna mompopomoni tabuena, tempo haitumo Alatala mompakadupa niaNa nasaemo nitabuniakaNa. Kadupana haitu niuliNa ka batuaNa nggaulu, haitumo nabi-nabi anu nompasimbayu tesaNa.”