1 Korintus 14:18 - Kaili Ledo

¹⁸ Yaku nosukuru nte Alatala sabana yaku nidekeika pompakule mompake basa-basa anu nopuna lako ri Nosa Gasa nelabipa pade komiu pura-pura.

1 Korintus 14:18 ပူးပေါင်းရင်းမြစ်များ

1 Korintus 14:17

Nau posambayata haitu mabelo mpuu, tapi ledo ria gunana ka tona ntanina, sabana pomparasayana ledo nipakaroso nangepe posambayata.

1 Korintus 14:19

Tapi nau ivesia, ane masiromu todea topomparasaya, aginapa kupake lima-mbela tesa anu nisani ntodea ala mombatulungi ira. Haitu nelabipa kabelona pade mompake sapulu njobu-mbela tesa riara basa anu ledo nisani ntona batuana.

1 Korintus 14:2

Ane tona notesa basa-basa nopuna lako nte Nosa Gasa, ia notesa ka Alatala, ledo notesa ka roa. Apa ledo nisani nu roa batua ntesana. Ia notesa ante pekeniaka Nosa Gasa, bo nitesana anu dopa nisani nu manusia.

1 Korintus 14:4

Tona nompake basa nopuna lako ri Nosa Gasa nompakaroso pomparasayana mboto. Tapi tona nompasimbayu tesa nu Alatala, nompakaroso pomparasaya ntodea topomparasaya.

1 Korintus 14:5

Dotaku ala komiu pura-pura mompake basa-basa nopuna lako ri Nosa Gasa. Tapi mabelopa ane komiu mompasimbayu tesa nu Alatala. Apa nompasimbayu tesa nu Alatala nogunapa pade nompake basa-basa nopuna lako ri Nosa Gasa. Tapi ane maria tona mompakule mombabatuasi tesa-tesa nopuna lako nte Nosa Gasa haitu, naria gunana apa todea topomparasaya mamala mangisani batuana bo pomparasayara rapakaroso.

1 Korintus 4:7

Isema nanguli komiu nelabipa pade tona ntanina? Nuapa naria nte komiu anu ledo nidekei nTupu ka komiu? Jadi nakuya komiu nangoe-ngoe? Nisarumakamiu anu naria nte komiu asele mpoviamiu mboto?