1 Korintus 14:16 - Kaili Ledo

¹⁶ Rapana kita manguli tarima kasi ka Alatala ante mompake basa nopuna lako ri Nosa Gasa. Ane maria tona ntanina mangepena, berimbamo ia manguli “Amin! Nakana tu!” ane ledo nisanina batuana tesata?

1 Korintus 14:16 ပူးပေါင်းရင်းမြစ်များ

Matius 15:36

Bo nialaNa roti bo bau-bau kodi haitu bo nitingoaNa ri laerava, niuliNa tarima kasi ka Alatala. Naupu haitu nitubi-tubiNa roti bo bau haitu bo nidekeikaNa ka anaguruNa. Bo ira nombatibo-tibo kandea haitu ka todea.

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Matius 6:13

Nee rapalamba kami rapesori bo kabasakamo kami lako ri kuasa Magau nu Seta. [Sabana Komiumo Magau nakuasa bo nipokumaaka sampe ri kasae-saena. Amin.]

Markus 16:20

Naupu haitu, haumo ana-anaguruNa nompatolele Kareba Belo ka tona ri umba-umba, bo Tupu mboto nokarajaa nosanggani-nggani ante ira. Ia nombadekei ka ira kuasa movia kabaraka-kabaraka ala mompakaroso tesa nipatolelera haitu.]

Yohanes 21:25

Da nadeapa anu ntanina nipovia i Yesus. Ane rapana ratulisi pura kajadia haitu, nipekiriku dunia hitu ledo masuka rapomboli pura-pura buku ratulisi.

Yohanes 7:15

Pakeni ntoYahudi nokumaa mpuu nangepe pepatuduki i Yesus, bo nanguli, “Hee! Nakuya sampe nadea mpuu nisaniNa, tano mai Ia ledo nosikola?”

Suro-Suro 4:13

Topolibu haitu nokumaa pura-pura nanggita kabia i Petrus bo i Yohanes notesa, nemopa nisanira randua suro haitu aga tona biasa anu ledo nosikola nalanga. Lako rahaitu nisanira mpuumo randua suro haitu nosamporoa nte i Yesus bara ipia.

1 Korintus 11:24

bo niuliNa tarima kasi ka Alatala. Naupu haitu nitubi-tubiNa roti haitu bo niuliNa, “Roti hitu karoKu Kudekei mombatolosi komiu. Kandemo roti hitu mantora Yaku.”

1 Korintus 14:14

Apa ane kita mosambaya mompake basa anu nopuna lako nte Nosa Gasa, rara ntaita nosambaya, tapi pekirita ledo najala.

1 Korintus 14:2

Ane tona notesa basa-basa nopuna lako nte Nosa Gasa, ia notesa ka Alatala, ledo notesa ka roa. Apa ledo nisani nu roa batua ntesana. Ia notesa ante pekeniaka Nosa Gasa, bo nitesana anu dopa nisani nu manusia.

1 Korintus 16:24

Yaku nompotove komiu pura-pura anu nosangu rara ante i Yesus Kristus. Tabe lako nte yaku, I Paulus

2 Korintus 1:20

Apa pura-pura pojanji nu Alatala nipakadupa riara nggatuvu i Kristus. Haitu sampe kita anu nosangu rara ante i Kristus namala nanguli, “Amin! Nakana mpuu pojanji-pojanji nu Alatala!” Bo haitu najadi ala Alatala rabila bo ratoiya.

Pompakita 22:20

Bo i Yesus anu nompasimbayu pura-pura tesa hitu nanguli, “Nakana! Domo masae makavamo Yaku!” Amin! Maranata! Kakavamo, Pue Yesus!

Pompakita 5:14

Bo nepasiosemo ampa Anu Natuvu haitu, “Amin, nakana mpuu!” Bo nantaputumo totua-totua gahaitu sampe ri tana mombasomba Alatala.

Pompakita 7:12

Niulira, “Amin! Ratoiyata Tuputa Alatala! Rapakaogeta Ia! Ratesata kanotoNa, raulita tarima kasi ka Ia. Rabilata Ia bo ratesata kuasaNa bo kabarakaNa sampe ri kasae-saena. Amin!”