1 Korintus 13:4 - Kaili Ledo

⁴ Tona nompotove roana nandoe posabarana bo nabelo rarana. Ia ledo nasiriati, ledo nangoe, bo ledo nalanga rarana.

1 Korintus 13:4 ပူးပေါင်းရင်းမြစ်များ

Matius 27:18

I Pilatus nanguli ivesia apa nisaninamo pakeni ntoYahudi nombadekei i Yesus ka ia sabana nasiriati.

Suro-Suro 7:9

Totua-totuata, nasiriati nanggita tueira i Yusuf, sampe ia nipobalura ka toMesir. Ia nipajadi batua, tapi Alatala nombatulungi ia,

Roma 1:29

Mpengaya-ngaya pekiri nadaa bo natenggo rarara. Ledo naosa rarara ante anu naria nte ira, navau rarara, nasiriati, nepatesi, nebagiu, bo nosinggarau. Ira nomboli rau rara, nantunturaka tona

Roma 13:13

Kita kana matuvu ante pokainggu masipato ka tona natuvu riara karemena. Nee masiromu mangande mompebasa bo manginu sampe malangu. Nee mosipogau ante tona ledo bereimiu mboto bo nee mangoseaka dota raramiu nadaa. Nee mosinggarau atau masiriati.

1 Korintus 3:3

apa komiu da nangoseaka dota raramiu nadaa. Komiu da nasiriati bo nosipobali. Pokainggu ivehaitu nompopakita komiu da nangoseaka dota raramiu nadaa nasimbayu mpo tona ledo nosisani ante Alatala.

1 Korintus 4:18

Naria bara sako-ndua komiu nalanga rara, sabana niulimiu yaku domo tou nte komiu.

1 Korintus 4:6

Sampesuvu-sampesuvuku, porapa nitesaku ri bavona nipambela ka kami bo i Apolos ala mantulungi komiu. Nialaku jonjo kami randua ala komiu mamala meguru nee meliu lako ri anu nitulisi riara Buku Gasa. Patujuku ala ledo malanga raramiu bo ledo mantoiya saito batua i Kristus bo manjalai batua ntanina.

1 Korintus 5:2

Kakanana masipato mabuku raramiu bo maeya matamiu, bo masipato komiu mompopalai topogau haitu lako ri tatangamiu, domo radekei ia masiromu nte komiu mombasomba Alatala. Tapi ledo ivesia komiu. Komiu da nalanga raramiu, nau pokainggu roamiu ivesia!

1 Korintus 8:1

Kapolana, nipekutanamiu kandea nipakande ka tupu-tupu ntanina. Nakana mami niulimiu kita pura-pura napande. Nisanita ledo ria tupu ntanina aga Alatala. Tapi kuuli ka komiu, kapande nompakalanga rarata. Aginapa mompotove roa sabana pepotove nompakaroso rara ntona.

2 Korintus 12:20

Apa nakini raraku, nee-nee ane yaku tou nte komiu kukava komiu ledo mpo anu nisarumakaku, bo pokaingguku nte komiu ledo mpo anu nisarumakamiu. Nee-nee kukava komiu mosinggarau, bara masiriati, bara marau, bara aga mompekirika karo mboto. Nee-nee kukava komiu mosisalai bara mositunturaka bara malanga rara bara mompakagado todea topomparasaya.

2 Korintus 6:6

Riara mpengaya haitu, nalantomo kami mpuu-mpuu batua nu Alatala, apa pokainggu kami nagasa, nisani kami Tesa nu Alatala, kami nosabara bo nabelo rara nte tona. Nosa Gasa nokarajaa riara nggatuvu kami bo kami nompotove tona ntanina ante rara mpuu-mpuu.

Galatia 5:26

Nee kita mompakalanga rarata, nee mosipodua rara bo nee masiriati.

Efesus 4:2

Komiu kana matuvu ante ede rara. Komiu kana malusu raramiu, bo kana mandoe posabaramiu. Nee makodi raramiu nte roa, tapi positulungimo sabana tovemiu.

Efesus 4:32

Tapi kana mabelo raramiu nte roa bo mosipoasi mata. Komiu kana mosiampungi, nasimbayu mpo Alatala nombaampungi komiu sabana komiu nosangu rara nte i Kristus.

Filipi 1:15

Naria bara sako-ndua tona nompatolele Kareba i Yesus Kristus sabana nasiriati nanggita yaku bo ira madota majadi padagi. Tapi naria muni tona ntanina nompatolele Kareba haitu ante patuju nabelo.

Kolose 1:11

Kami nerapi ala Alatala mompakaroso raramiu ante pura-pura kuasaNa, nangoseaka barakaNa anu naoge mpuu, ala rapakulemiu mosabara nau bara nuapa majadi bo ledo molengga-lengga raramiu.

Kolose 2:18

Jadi, ane maria tona nompakasala komiu sabana ledo nioseakamiu pepatudukira, nee rapariaramiu tesara, mbelaka komiu masalandala bo ledo manggava belo nijanji nu Alatala ka komiu. Tona haitu aga madota mompasuu komiu metiede rara bo mombasomba malaeka-malaeka. Ira nangoeka pangisanira sabana naria anu nikitara riara pangipi. Nalanga bayangi rarara, bo pepatudukira aga nopuna lako ri pekirira mboto anu nangoseaka dunia hitu.

Kolose 3:12

Sampesuvu-sampesuvu, kita nipotove nu Alatala bo nipelisiNa majadi todeaNa nagasa. Haitu sampe kita kana maasi matata manggita roa. Kita kana mabelo rara, maede rara, malusu rara, bo mosabara nte roa.

1 Tesalonika 5:14

Kami merapi nte mpuu-mpuu rara, onteakamo tona namau nokarajaa. Pakarosomo rara ntona naeka. Tulungimo tona anu paraluu ratulungi. Posabaramo nte tona pura-pura.

1 Timotius 6:4

Tona haitu nalanga rarana. Ia netitau tapi ledo nisanina nuapa-nuapa. Ia aga nagila nangelo saba bo nosinjanai ka batua nu tesa. Pepatudukira haitu aga nanggeni tona nasiriati, nosinggarau, nosiuli-uli, nosirai,

2 Timotius 2:25

Ia kana malusu rarana mompatuduki tona nangeva ia, mbelaka da mamala ira rakeni nu Alatala majea lako ri pokainggura nasala bo mangisani pepatuduki nakana.

2 Timotius 3:10

Tapi, Timotius, nisanimumo yaku ledo nasimbayu nte tona pangane. Nipariaramumo pepatudukiku, nipasialamumo pokaingguku bo patuju katuvuku. Nisanimumo pomparasayaku, posabaraku, pepotoveku bo pantidamakaku riara kasusa.

2 Timotius 4:2

Patolelemo Tesa nu Alatala. Iko kana mompasimbuku mompatolele Tesa haitu nau bara ratarima ntona bara ledo. Popaisani ka tona ane masala pokainggura, onteakamo tona novia dosa, bo pakadidimo rarara mokainggu mabelo. Nee masau raramu mompatuduki ira.

Titus 3:3

Toramo, kita muni bara ipia da nalanda rarata nasimbayu mpo tona ledo nomparasaya i Yesus. Ledo nisanita dala nakana mosisani nte Alatala bo ledo nioseakata parentaNa. Katuvuta bara ipia nikuasai dota nu rarata nadaa bo kasana nu dunia anu ledo nabelo. Kita natuvu narau rara nanggita roa, nasiriati, bo nosipovuu mata nte tona ntanina.

Yakobus 4:5

Nee rapekirimiu anu niuli ri Buku Gasa ledo nakana. Niuli ivei: Alatala nompajadi rara ntaita tapi rara ntaita haitu nadea mpuu nipoinona.

1 Petrus 2:1

Sampesuvu-sampesuvu, nikavamiumo katuvu nabaru. Sabana haitu, tumo mokainggu nadaa. Nee modava. Nee aga mabelo ri sumba, nee masiriati bo nee mompakadaa tona ntanina.

1 Petrus 3:8

Jadi sampesuvu-sampesuvu, kupapolamo tesaku. Komiu pura-pura kana mosangu pekiri bo mosangu rara. Posimpotovemo mpo tona nosampesuvu. Komiu kana mosipoasi mata bo nee malanga rara.

1 Petrus 4:8

Tapi anu nelabi nopoko, komiu kana mpuu-mpuu mosimpotove. Apa ane kita mompotove roata, kita masadia muni mombaampungi tona ntanina.

2 Petrus 1:7

bo mosimpotove nte sampesuvumiu sampomparasaya. Bo komiu kana mompotove pura-pura tona.

1 Yohanes 4:11

Sampesuvu-sampesuvu nipotoveku, naoge mpuu tove nu Alatala ka kita! Jadi kita muni kana mosimpotove.