1 Korintus 13:3 - Kaili Ledo

³ Bo ane kudekei pura-pura mbara-mbaraku ka tona napakasi, bo kudekei karoku mboto rapatesi rapalabu ntona sabana pomparasayaku i Yesus, tapi ane ledo kupotove tona ntanina, pura-pura anu nidekeiku ledo ntoto naria gunana.

1 Korintus 13:3 ပူးပေါင်းရင်းမြစ်များ

Matius 23:5

Pura-pura poviara aga nipovia ala rakita ntona. Peinta pomboli Tesa Gasa anu nipou ri kirera! Bo peinta, nandoe vera ri bivi bajura mompopakita katutura nangoseaka parenta nTupu!

Lukas 18:22

Nangepe haitu, nangulimo i Yesus ka ia, “Da naria sangayapa kana mupovia. Pobalu pura-pura kakalumanamu bo dekei alina haitu ka tona napakasi ala mukava kakalumana ri suruga. Maupu sia, oseakamo Yaku!”

Lukas 18:28

Jadi nanguli i Petrus ka i Yesus, “Peintamo, Pue! Kami nompalaisi pobanua kami bo nangoseaka Komiu.”

Lukas 19:8

Naupu haitu neanggamo i Zakheus ri ngayo ntodea bo nanguli ka i Yesus, “Pue, santanga mbara-mbaraku kudekei ka tona napakasi. Isema-sema nibagiuku, kupopanjili ka ia pata-nggani kadeana.”

Yohanes 12:43

Ira nomparasaya nggalino sabana nipokonorapa ratoiya nu manusia pade ratoiya nu Alatala.

Yohanes 13:37

Nesana i Petrus, “Pue, nakuya sampe ledo mamala yaku mantuntuni Komiu sii-sii? Nasadiamo yaku mamate manjaliku Komiu!”

Yohanes 15:13

Ane saito tona mamate manjambei vega-vegana, ia mpuu-mpuu nompotove vegana haitu. Ledo ria pepotove naogepa pade haitu.

Yohanes 6:63

Kuasa nu manusia ledo mompakule nombadekei katuvua nabelo, aga Nosa Gasa nu Alatala. Tesa-tesa niuliKu ka komiu, nakava lako ri Nosa Gasa bo tesa-tesa haitumo nombadekei katuvua nabelo.

Suro-Suro 21:13

Tapi nesana i Paulus, “Nakuya komiu notumangi nompakabuku raraku? Yaku hii nasadiamo hau ri ngata Yerusalem nau yaku rasaka, nau sampe rapatesi sabana pangoseakaku i Pue Yesus!”

Galatia 5:26

Nee kita mompakalanga rarata, nee mosipodua rara bo nee masiriati.

Filipi 2:3

Nuapa-nuapa rapoviamiu, nee aga mangelo kauntu mboto atau mantoiya karo mboto, tapi aginamo rapakaedemiu raramiu bo manguli roamiu naogepa pade komiu mboto.

1 Timotius 4:8

Ane kita mompakaroso karota aga sakide gunana. Tapi ane kita mompakaroso rarata matuvu ante pokainggu nompakadamba Alatala, nadea mpuu gunana riara mpengaya-ngaya. Apa rakavata katuvu mabelo anu nijanji nu Alatala, nompamula sii-sii sampe ri kasae-saena.

Ibrani 13:9

Nee sampe komiu masalandala lako ri pepatuduki nakana ante mangoseaka mpengaya-ngaya pepatuduki anu nontani lako ri pomparasayata, evamo pepatuduki atura-atura pangande. Nadea tona bara ipia nangoseaka atura-atura pangande, tapi atura haitu ledo nanggeni belo ka topangoseakana. Aginapa kita mompakaroso rarata mompekirika kabelo rara nu Alatala, apa haitumo anu nanggeni belo ka kita.