1 Korintus 13:11 - Kaili Ledo

¹¹ Jonjona, tempo yaku da nangana yaku notesa mpo ngana, raraku mpo rara nu ngana, yaku nompekiri mpo ngana. Tapi nambasopa yaku, inggu-inggu ngana haitu nikabasakaku puramo.

1 Korintus 13:11 ပူးပေါင်းရင်းမြစ်များ

Matius 16:7

Nangepe haitu nosimpotesa anaguruNa, “NiuliNa ivesia sabana kita ledo nanggeni roti bara.”

1 Korintus 13:10

Tapi tempo Alatala mompakabelo mpengaya-ngaya bara maipia, domo raparaluuta pompakule-pompakule anu da nakura haitu.

1 Korintus 13:12

Anu nikitata sii-sii nasimbayu mpo vayo nu lenje navuyo-vuyo riara pompevayo. Tapi ri tempo makava malanto rakitata mpo tona mosinggita lenje. Sii-sii pangisaniku da nakura, tapi tempo bara maipia malanto kusani pura-pura nuapa, nasimbayu mpo Alatala nangisani pura-pura karoku hitu.

1 Korintus 14:20

Sampesuvu-sampesuvuku, tumo mompekiri mpo ngana-ngana. Komiu kana manoto mpo tona nambasomo. Tapi ane anu daa, komiu kana masimbayu mpo ngana kodi anu dopa nisanina novia nadaa.

Galatia 4:1

Anu nipatujuku ivei: rapana maria saito ana ntona nakalumana. Ia nijagai ntona nipakatantu ntuamana, bo kakalumanana niurusi ntona nipakakuasaka sampe makava tempona nipakatantu ntuamana. Nau ia masipato mantarima pura-pura kakalumana ntuamana bara maipia, tempo ia da nangana, katuvuna nasimbayu ante katuvu nu batua, haitumo, katuvuna niurusi ntona ntanina.