1 Korintus 12:9 - Kaili Ledo

⁹ Tona ntanina nidekeika nu Nosa Gasa pompakule momparasaya i Yesus nelabi pade biasa. Bo tona ntanina nidekeika nu Nosa Gasa kuasa mompakabelo dua-dua ntona. Bo haitu pura-pura lako nte Nosa Gasa pangane.

1 Korintus 12:9 ပူးပေါင်းရင်းမြစ်များ

Matius 10:8

Pakabelo tona nadua, pakatuvu mpanjili tona namatemo, pakabelo tona nadua oge, popalai seta-seta anu nesua ri karo ntona. Kuasa haitu nidekei bayangi ka komiu, ledo nialimiu. Jadi dekeimiu bayangi muni ka tona ntanina.

Matius 21:21

Nesana i Yesus, “Pariaramo tesaKu hitu. Ane komiu momparasaya, bo ledo molengga-lengga raramiu, komiu muni mamala movia anu nipoviaKu ka kayu haitu. Bo ledo aga ivesia, komiu mamala mangulika bulu hitu, ‘Kateunggatakamo! Katedaka rantasi!’, bo majadi mpuu.

Markus 16:18

Ane ira rateo nu ule atau manginu panginu naracu, ledo makuya-kuya ira. Bo radikara palera ri karo ntona nadua bo tona haitu mabelomo.>>

Markus 6:13

Bo nadea seta nipopalaira lako ri karo ntona nipesua nu seta, bo nigesera lana tona nadua bo nipakabelora.

Lukas 10:9

Pakabelomo tona nadua ri ngata haitu bo ulika ira, ‘Naparamo tempona Alatala moparenta mpo Magau ri tatangamiu.’

Lukas 9:2

NituduNa ira hau mompakabelo tona nadua bo mompatolele kareba Poparenta nu Alatala.

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Suro-Suro 5:15

Nanggita kabaraka-kabaraka nipovia nu suro-suro, nadea tona nadua nikeni ante paturu bara ante ompa bo nituu ri dala. Apa nisarumakara ane moliu i Petrus ngena, nau aga vayona mambela sakide, mabelomo ira.

1 Korintus 12:28

Ri tatangamiu sampomparasaya, Alatala nanganggataka tona mantui mpengaya-ngaya bago. Pamulana naria tona nianggatakaNa majadi suroNa. Bo karanduana, naria tona nianggatakaNa majadi nabi mompasimbayu tesa nitarimana lako nte Alatala. Katataluna, naria anu nianggatakaNa majadi guru. Bo naria muni nidekeikaNa pompakule movia kabaraka. Naria nidekeikaNa pompakule mompakabelo dua-dua ntona. Naria nidekeikaNa pompakule mantulungi tona ntanina, naria nidekeikaNa pompakule manggeniaka todea, bo naria nidekeikaNa pompakule motesa basa-basa anu nopuna lako ri Nosa Gasa.

1 Korintus 12:30

Ledo pura-pura tona nidekeika pompakule mompakabelo tona nadua, atau motesa basa-basa anu nopuna lako ri Nosa Gasa, atau mombabatuasi tesa lako ri basa-basa haitu.

1 Korintus 13:2

Bo ane kupakule mompasimbayu tesa-tesa nitarimaku lako nte Alatala, bo ane kusani mpengaya-ngaya anu nitabuniaka bo kusani muni mpengaya-ngaya pangisani ntanina, bo pomparasayaku maroso mpuu sampe yaku mamala mantudu bulu molinja, tapi ane ledo kupotove tona ntanina, katuvuku ledo ntoto ria gunana.

2 Korintus 4:13

Riara Buku Gasa nitulisi ivei: “Yaku nomparasaya, bo haitu sampe nabia yaku notesa.” Ivesia muni kami. Kami nomparasaya Alatala sampe kami nabia notesa ka tona.

Efesus 2:8

Lako ri pomparasayamiu i Kristus, komiu nipakasalama sabana kabelo rara nu Alatala. Haitu ledo asele pompasimbukumiu mboto tapi pedekei nu Alatala bayangi.

Ibrani 11:33

Lako ri pomparasayara, sanu ira nombadagi magau-magau. Nipoviara dota nu Alatala jadi nitarimara anu nijanji nu Alatala ka ira. Sanu ira nombaramu nganga nu singa.