1 Korintus 12:6 - Kaili Ledo

⁶ Bo naria mpengaya-ngaya cara Alatala nompopakita kuasaNa riara nggatuvuta bo aga saito Alatala nokarajaa riara ntaita pura-pura bo nombatulungi kita riara mpengaya-ngaya.

1 Korintus 12:6 ပူးပေါင်းရင်းမြစ်များ

Yohanes 5:17

Tapi nanguli i Yesus ka ira, “TuamaKu bate-batena nokarajaa sampe ri eo hitu, bo Yaku muni kana mokarajaa.”

1 Korintus 12:11

Pura-pura haitu nipovia nu Nosa Gasa sangu haitu. Ia nobagi pompakule-pompakule simbo ntanina, nangoseaka dota nu Nosa Gasa mboto.

1 Korintus 12:5

Naria mpengaya-ngaya pokarajaa nipoviata ka i Yesus, tapi aga saito Tupu rapokarajaakata.

1 Korintus 15:28

Tempo pura-pura anu naria mekou nte i Kristus, Ia mboto mekou nte TuamaNa, apa evamo niuliku pangane Alatalamo anu nompopekou pura-pura nte Ia. Kaupuna Alatala moparenta mpengaya-ngaya anu naria.

1 Korintus 3:7

Topotuda bo topodundusi ledo masipato raparibavo. Anu nopoko, iamo Alatala, apa Iamo topompakatuvu tuda-tuda.

Efesus 4:6

Aga saito Alatala, Tuamata pura-pura. Iamo nomparenta pura-pura, bo Iamo nompake kita pura-pura, bo Iamo nonturo riara ntaita pura-pura.

Filipi 2:13

Apa Alatala mbotomo nokarajaa riara ntaimiu nombadekei ka komiu dota rara bo pompakule mangoseaka dotaNa.

Kolose 1:29

Haitumo sampe yaku nokarajaa ntamo, yaku mpuu-mpuu nompasimbuku nokarajaa ante kuasa nidekei i Kristus, apa kuasaNa riara nggatuvuku mpuu-mpuu naroso.

Kolose 3:11

Kita najadi manusia nabaru, jadi domo ria posisalana toYahudi bo tona ledo toYahudi. Tona nisuna nangoseaka ada agama Yahudi bo tona ledo nisuna, nasimbayu ri panggita nu Alatala. Alatala ledo nompelenje bara tosangatana bara toribulu bara batua bara tona ledo nipobatua. I Kristusmo nopoko, bo Iamo nonturo riara ntaita pura-pura.