1 Korintus 12:3 - Kaili Ledo

³ Haitu sampe kuuli ka komiu, komiu kana mompoposisala anu nadaa bo anu nabelo. Ane tona nikeniaka Nosa Gasa nu Alatala, ledo raulina, “Nasurukavumo i Yesus.” Bo ivesia muni ledo rapakule ntona mompangaku, “I Yesus, Iamo Tupu” ane tona haitu ledo nikeniaka Nosa Gasa nu Alatala.

1 Korintus 12:3 ပူးပေါင်းရင်းမြစ်များ

Matius 22:43

Nanguli i Yesus, “Ane ivesia, nuapa sabana Magau Daud nanguli Topepakasalama haitu Puena? Apa ante pekeniaka Nosa Gasa nu Alatala, i Daud nanguli ivei:

Markus 9:39

Tapi nangulimo Yesus, <

Yohanes 13:13

Niulimiu Yaku Gurumiu bo Tupumiu, bo tesamiu haitu nakana, sabana Yaku mpuu-mpuu Gurumiu bo Tupumiu.

Yohanes 13:14

Jadi ane Yaku, Gurumiu bo Tupumiu, nompakaede raraKu notoposi kadamiu, komiu muni masipato mompakaede raramiu motoposi kada roa.

Yohanes 15:26

Kutudu Topetulungi lako nte TuamaKu tumai nte komiu, haitumo Nosa Gasa nu Alatala anu mompopaisani anu nakana. Tempo makava Ia, Iamo mompopaisani Yaku ka komiu.

Suro-Suro 8:37

[Nesanamo i Filipus, “Ane niparasayamiu mpuu, mamala komiu radiu.” Nanguli toEtiopia haitu, “Niparasayaku i Yesus Kristus Iamo Ana nu Alatala!”]

Roma 10:9

Ane kita mompangaku ante sumbata, <> bo ane kita momparasaya riara ntaita Alatala nompakatuvu mpanjili Ia lako ri kamateNa, kita rapakasalama.

Roma 9:3

Ane rapana mamala, aginapa yaku rapindasi nu Alatala bo rapopogaa lako nte i Kristus, asaa sampesuvuku toYahudi momparasaya.

1 Korintus 16:22

Isema-sema ledo nompotove i Pue Yesus, masurukavumo ia! Maranata! Tupu kami, kakavamo!

1 Korintus 8:6

Tapi ane kita topomparasaya, nisanita aga saito Alatala nakana. Iamo Tuamata anu nompajadi pura-pura anu naria ri dunia. Iamo nombadekei katuvu ka kita ala kita mombasomba Ia. Bo aga saito Tuputa, i Yesus Kristus anu nipopale nu Alatala nompajadi pura-pura anu naria, bo lako nte Ia sampe natuvu kita.

2 Korintus 11:4

Nitesa kamimo i Yesus ka komiu bara ipia, bo nitarimamiumo Nosa Gasa bo niparasayamiumo Kareba Belo. Tapi hitupa nikitaku komiu nadamba nantarima tona ntanina anu nombatesa Yesus ntanina. Bo nasadia muni komiu nantarima kuasa ntanina bo nomparasaya kareba ntanina.

2 Korintus 3:5

Tapi ledo nipakule kami mantui pokarajaa hitu ante kuasa kami mboto. Alatalamo anu nompopompakule kami.

Galatia 3:13

Kita manusia masipato rahuku nu Alatala, sabana kita pura-pura nombaliunaka AturaNa. Tapi i Kristus nombakabasaka kita lako ri pehuku haitu, sabana tempo Ia namate ri kayu salib, Iamo nihuku manjambei kita. Nisanita i Kristus nihuku nu Alatala sabana naria tesa riara Buku Gasa nanguli ivei: “Isema-sema namate niloe ri kayu, haitu tandana ia nihuku nu Alatala.”

Pompakita 1:10

Ri eo petupu yaku nikuasai Nosa Gasa nu Alatala, bo niepeku suara lako ri puriku namangga mpo moni ntabue.