1 Korintus 12:11 - Kaili Ledo

¹¹ Pura-pura haitu nipovia nu Nosa Gasa sangu haitu. Ia nobagi pompakule-pompakule simbo ntanina, nangoseaka dota nu Nosa Gasa mboto.

1 Korintus 12:11 ပူးပေါင်းရင်းမြစ်များ

Matius 11:26

apa ivesiamo dotaMiu.”

Matius 20:15

Ledo mamala yaku movia anu nipodotaku ante doiku mboto? Bara nasiriati komiu nanggita yaku movia nabelo ka tona ntanina?’ ”

Yohanes 3:27

Nesana i Yohanes, “Ledo makuya. Ledo ria saitoa manggava nuapa-nuapa ane ledo radekei nu Alatala ka ia.

Yohanes 3:8

Poiri neburu hau ri umba nipodotana. Kita nangepe vuuna tapi ledo nisanita lako ri umba kakavana bo hau ri umba rakalauna. Ivesia muni kuasa Nosa Gasa nu Alatala nompoanaka tona mpanjili.”

Yohanes 5:21

TuamaKu nompakatuvu mpanjili tona namate bo nombadekei katuvua nabaru ka ira. Ivesia muni Yaku, AnaNa, mombadekei katuvua nabaru ka isema-sema nipodotaKu.

Roma 12:6

Kita simbo nidekeika pompakule-pompakule ledo nasimbayu, nangoseaka anu nidekei nu Alatala ka simbo saito lako ri kabelo raraNa. Jadi sabana haitu, kita kana mpuu-mpuu mompake pompakuleta haitu. Isema-sema nidekeika pompakule mompatolele tesa lako nte Alatala, kana rapoviana mangoseaka pomparasaya naria nte ia.

Roma 9:18

Jadi, Alatala nompoasi isema-sema nipodotaNa rapoasiNa bo Ia nompakakaa baga isema-sema nipodotaNa rapakakaaNa.

1 Korintus 12:18

Alatala nompakatantu pura-pura sipa nu karo nipataka ri kasipatona nangoseaka dota nu Alatala mboto.

1 Korintus 12:4

Naria mpengaya-ngaya pompakule lako nte Nosa Gasa, tapi pura-pura pompakule haitu nopuna lako ri sangu Nosa Gasa.

1 Korintus 12:6

Bo naria mpengaya-ngaya cara Alatala nompopakita kuasaNa riara nggatuvuta bo aga saito Alatala nokarajaa riara ntaita pura-pura bo nombatulungi kita riara mpengaya-ngaya.

1 Korintus 7:17

Pura-pura tona kana matuvu nangoseaka pantuu i Pue Yesus ka ia. Pura-pura kana matuvu batena mpo tempo ia nipokio nu Alatala momparasaya i Kristus. Haitumo atura nipatudukiku ka pura-pura topomparasaya.

1 Korintus 7:7

Kakanana nipokonokupa ane pura-pura tona maloa mpo yaku. Tapi pura-pura tona nidekeika pompakulena mboto lako nte Alatala. Naria tona nompakule matuvu maloa sampe mamate, tapi naria ntanina ledo nidekeika pompakule haitu.

2 Korintus 10:13

Tapi kami ledo ntoto nasimbayu ante ira! Ane kami mangoe karo kami mboto, kami ledo mombaliunaka anu masipato, haitumo kami aga mangoe pokarajaa niparasaya nu Alatala ka kami. Bo komiu pura-pura ri Korintus nambela bagia pokarajaa kami, apa Alatala nantudu kami manggeni Kareba Belo ri ngatamiu.

Efesus 1:11

Alatala novia mpengaya-ngaya nangoseaka patujuNa bo pobotusiNa mboto. Jadi, nangoseaka pobotusiNa lako ri lamba pamulana, Alatala nompelisi kita, apa patujuNa kita majadi todeaNa lako ri posangu rarata nte i Kristus.

Efesus 4:7

Tapi nau nadea kasimbayuta, pompakule nidekei nu Alatala ka kita ledo nasimbayu, sabana kita saito-saito nidekeika pompakule mokarajaa ka i Kristus nangoseaka anu nipakatantuNa ka kita.

Ibrani 2:4

Bo Alatala mboto nompakalanto kareba nipatolelera mpuu-mpuu nakana. Apa nipoviaNa mpengaya-ngaya kabaraka bo tanda nipokumaaka, bo nipaleleNa pompakule lako ri Nosa GasaNa nangoseaka dotaNa mboto.

Yakobus 1:18

Lako ri dotaNa mboto Ia nompajadi kita majadi ana-anaNa ala kita maogepa pade pura-pura anu ntanina nipajadiNa bo rapatani ka Ia mboto. Kita najadi ana-anaNa sabana kita nompariara tesaNa nakana.