1 Korintus 11:32 - Kaili Ledo

³² Tapi ane rapana kita rapambela pehuku nu Alatala sii-sii, patujuNa kita rapatuduki ala nee sampe kita rapakaropu mosanggani-nggani ante tona ri dunia anu ledo natundu nte Alatala.

1 Korintus 11:32 ပူးပေါင်းရင်းမြစ်များ

Roma 3:19

Jadi lako ri tesa ri Buku Gasa, nisanita ledo ria manusia nanoa. Nisanitamo pura-pura anu nitulisi riara Atura agama nambela ka toYahudi anu natundu ri Atura haitu. Jadi ledo ria saitoa tona namala manguli karona mboto nanoa. Pura-pura manusia masipato rapambela pehuku nu Alatala.

Roma 5:16

Asele pedekei nu Alatala ledo nasimbayu ante asele dosa i Adam. I Adam nombaliunaka parenta nu Alatala sanggani. Aselena, ia nireke nasala ri panggita nu Alatala bo masipato rahuku. Tapi lako ri pedekei nu Alatala bayangi, dosata nadea nipakalaliNa bo kita nipajadiNa nanoa ri panggitaNa.

1 Korintus 1:20

Jadi nuapa gunana tona napande? Nuapa gunana tona natau? Nuapa gunana tona napande notesa ri dunia hitu? Alatala nompakalanto pura-pura kapande nu manusia ledo ria gunana.

1 Korintus 1:21

Alatala napande mpuu, bo nipakatantuNa manusia ledo mamala mosisani ante Ia ane aga manjarumaka kapandera mboto. Tapi nibotusiNa mompakasalama isema-sema momparasaya Kareba Belo nipatolele kami. Tano mai tona ri dunia nanguli Kareba haitu aga tesa ntodoyo.

1 Korintus 11:30

Haitu sampe nadeamo komiu ri situ nalente bo nadua, bo bara sako-nduamo komiu namate.

1 Korintus 11:31

Tapi ane raparesata ntani ruru rara ntaita dopame mangande roti bo manginu uve anggur haitu, kita ledo rapambela pehuku.

1 Korintus 11:33

Jadi sampesuvu-sampesuvuku, ane komiu masiromu mangande roti bo manginu uve anggur mantora kamate i Pue Yesus, komiu kana mosipopea pura bo mangande mosanggani-nggani.

1 Timotius 1:20

evamo i Himeneus bo i Aleksander. Nidekeikumo ira randua riara kuasa Magau nu Seta ala rahuku, ala domo rasalaira Alatala.

1 Yohanes 5:19

Nisanita kita najadi ana-ana nu Alatala, bo nisanita tona ledo nomparasaya i Yesus nikuasai Magau nu Seta.

Pompakita 3:19

Isema-sema nipotoveKu, Kuonteaka bo Kujeani ala mompatuduki ira. Haitu sampe Kuuli ka komiu, pakadidi raramiu bo kajeamo lako ri dosamiu.