1 Korintus 11:29 - Kaili Ledo

²⁹ Apa tona anu mangande roti bo manginu uve anggur haitu bo ledo nipekirina posidaina ada haitu ante karo i Kristus, natantumo rahuku nu Alatala, sabana ia aga nompongeika kamate i Pue Yesus.

1 Korintus 11:29 ပူးပေါင်းရင်းမြစ်များ

Lukas 7:34

Yaku, Ana nu Manusia nakava nangande bo nanginu mpo tona biasa, bo niulimiu ivei: ‘Peintamo tona haitu! Nadoko, nalangu, vega ntopesingara balasitee bo vega ntodosa!’

Roma 13:2

Jadi isema-sema mangeva pomarenta, nangeva anu nipakatantu nu Alatala mboto. Bo isema-sema mangeva pomarenta natantumo rahuku.

1 Korintus 11:24

bo niuliNa tarima kasi ka Alatala. Naupu haitu nitubi-tubiNa roti haitu bo niuliNa, “Roti hitu karoKu Kudekei mombatolosi komiu. Kandemo roti hitu mantora Yaku.”

1 Korintus 11:27

Jadi, isema-sema nangande roti atau nanginu uve anggur i Pue Yesus ante pekiri ledo masipato, ia nadosamo ri ngayo i Pue Yesus sabana nipandaentena karoNa bo raaNa.

1 Korintus 11:28

Jadi pura-pura tona kana raparesana ntani ruru rara ntaina mboto. Bo maupu haitu pade mamala ia mangande roti bo manginu uve anggur haitu.

1 Korintus 11:30

Haitu sampe nadeamo komiu ri situ nalente bo nadua, bo bara sako-nduamo komiu namate.

Ibrani 5:14

Tapi kandea nakaa aga nikande ntona nambasomo, haitumo tona nipakabiasamo karona mompoposisala anu nabelo bo anu nadaa.

Yakobus 3:1

Sampesuvu-sampesuvuku, nee madea komiu madota majadi guru agama, apa nisanimiu mantamopa potangara nu Alatala ka guru pade ka tona ntanina.

Yakobus 5:12

Sampesuvu-sampesuvu, paraluu mpuu rapariaramiu hitu: nee mompakaroso tesa ante sumpa. Nee mosumpa manggasangai langi bara tana bara nuapa-nuapa ntanina. Ane patujumiu manguli iyo, naganamo raulimiu “iyo”. Ane patujumiu manguli ledo, naganamo raulimiu “ledo”. Nee mosumpa ala komiu ledo rahuku nu Alatala.