Apa tona anu mangande roti bo manginu uve anggur haitu bo ledo nipekirina posidaina ada haitu ante karo i Kristus, natantumo rahuku nu Alatala, sabana ia aga nompongeika kamate i Pue Yesus.
Sampesuvu-sampesuvu, paresa mbotomo karomiu ala rasanimiu bara mpuu-mpuu komiu nangoseaka i Kristus. Peinta mbotomo raramiu. Natantu rasanimiumo i Yesus Kristus naria riara ntaimiu! Ane i Kristus ledo naria riara ntaimiu, batuana komiu ledo mpuu-mpuu topangoseaka Ia.
Aginapa simbo raparesana pokaingguna mboto ala rasanina bara nabelo pokaingguna bara ledo. Ane nabelo pokaingguna, mamala ia madamba mompekirika pokaingguna haitu. Ledo paraluu ia mompoposisala atau mompakasimbayu pokaingguna ante pokainggu ntona ntanina,