1 Korintus 11:27 - Kaili Ledo

²⁷ Jadi, isema-sema nangande roti atau nanginu uve anggur i Pue Yesus ante pekiri ledo masipato, ia nadosamo ri ngayo i Pue Yesus sabana nipandaentena karoNa bo raaNa.

1 Korintus 11:27 ပူးပေါင်းရင်းမြစ်များ

Matius 22:11

Bo nesuamo magau manggita torata-torata. Ri tatanga ntorata hamai nikitana saito tona ledo nompake pakea posusa.

Yohanes 6:51

Yakumo hii kandea anu nanau lako ri suruga, anu nombadekei katuvua nabelo haitu. Isema-sema mangande kandea hitu, matuvu mabelo sampe ri kasae-saena. Kandea anu nombadekei katuvua nabelo, batuana isi karoKu anu Kudekei ala manusia mamala matuvu mabelo sampe ri kasae-saena.”

1 Korintus 10:21

Ledo ntoto masipato komiu manginu uve anggur mantora kamate i Pue Yesus bo rainumiu muni panginu ri posusa mombabila seta-seta. Ledo ntoto masipato komiu monturo mangande roti mantora kamate i Pue Yesus, bo rakandemiu muni kandea ri posusa pombabila seta-seta.

1 Korintus 11:29

Apa tona anu mangande roti bo manginu uve anggur haitu bo ledo nipekirina posidaina ada haitu ante karo i Kristus, natantumo rahuku nu Alatala, sabana ia aga nompongeika kamate i Pue Yesus.

Ibrani 10:29

Ane ivesia pehuku ka tona nombasapuaka Atura agama, nemopa ka tona anu nompojejea Ana nu Alatala. Tona haitu nompandaente raa i Yesus, tano raa haitumo nompakaasa pojanji nu Alatala bo nompakalali dosana. Bo tona haitu muni nanjalai Nosa Gasa anu nompopaisani pepotove nu Alatala ka todeaNa.