1 Korintus 11:16 - Kaili Ledo

¹⁶ Ane maria tona madota mosinjanaika pepatuduki hitu, aga sangaya kuuli ka ira: Ledo ria kabiasa ntanina nioseaka kami bo pura-pura todea topomparasaya Alatala.

1 Korintus 11:16 ပူးပေါင်းရင်းမြစ်များ

Suro-Suro 21:21

Niepera kareba anu nompakasala komiu. Niepera komiu nompatuduki pura-pura toYahudi anu nonturo ri ngata ntona ledo toYahudi, ala rakabasakara Atura-atura agama haitu. Niepera muni komiu nompatuduki domo paraluu ira mombasuna anara bo domo paraluu mantuntuni ada ntoYahudi.

Suro-Suro 21:24

Agina komiu hau movia ada pompakagasa karo mosanggani-nggani nte ira, bo komiu mombabayari pura-pura anu rapesombara. Naupu sia, ira mamala ragau, tandana nipakaduparamo pojanjira. Ivesiamo, rasani ntodea ledo nakana kareba niepera nombatesa komiu, apa komiu mboto nantuntuni Atura-atura agama anu nipapola Nabi Musa.

1 Korintus 11:15

Tapi ane mombine nandoe buluana, haitu nompakagaya ia. Apa mombine nipopobulua rapotutui balenggana.

1 Korintus 16:1

Kapolana, sampesuvu-sampesuvu, kutesa doi rapasiromumiu mombatulungi sampesuvuta sampomparasaya napakasi ri ngata Yerusalem. Kana rapoviamiu mpo niparentaku ka todea topomparasaya ri ngata Galatia.

1 Korintus 4:5

Jadi nee komiu masalisa mompakatantu sala ntona ane dopa nakava tempona. Popea sampe i Pue Yesus makava mpanjili ri dunia. Iamo mompakalanto pura-pura anu nitabuniaka ri kalandana sii-sii. Iamo mompakalanto mpengaya-ngaya patuju nitabuniaka riara ntai manusia. Ri tempo haitu, Alatala mombatoiya isema-sema masipato ratoiyaNa.

1 Korintus 7:17

Pura-pura tona kana matuvu nangoseaka pantuu i Pue Yesus ka ia. Pura-pura kana matuvu batena mpo tempo ia nipokio nu Alatala momparasaya i Kristus. Haitumo atura nipatudukiku ka pura-pura topomparasaya.

1 Korintus 9:1

Yaku hii nakuasa novia nuapa-nuapa nipodotaku. Yaku hii suro i Yesus. Yaku mboto nanggita Tuputa i Yesus. Bo komiu mbotomo asele pokarajaa nipoviaku ka i Pue.

1 Korintus 9:6

Atau nisarumakamiu aga yaku bo i Barnabas kana mokarajaa ante pale kami mboto mompaelo? Ledo masipato kami muni ratande ntodea topomparasaya?

1 Tesalonika 2:14

Sampesuvu-sampesuvu, nisani kami Alatala nokarajaa riara nggatuvumiu apa pepandasa nirasai ntodea nu Alatala anu nomparasaya i Yesus Kristus ri bagia Yudea, nirasaimiu munimo. Komiu nipandasa roamiu sangata, nasimbayu mpo pepandasa roara simbo toYahudi anu ledo nomparasaya i Yesus.