1 Korintus 10:33 - Kaili Ledo

³³ Yaku mboto nompasimbuku matuvu mompakadamba pura-pura rara ntona riara mpengaya-ngaya pokaingguku. Yaku ledo aga nompekirika kabelo karoku mboto tapi yaku nompekirika kabelo ntona pura-pura, ala ira pura-pura mamala rapakasalama.

1 Korintus 10:33 ပူးပေါင်းရင်းမြစ်များ

Roma 11:14

Apa nisarumakaku maria sanu sampesuvuku toYahudi masiriati manggita komiu, sampe ira muni mamala kukeni momparasaya i Yesus bo rapakasalama.

Roma 12:5

Ivesia muni kita topomparasaya i Kristus. Nau kita nadea, kita najadi sangu riara i Kristus. Bo kita nosidai mpo sipa-sipa nu karo.

1 Korintus 10:24

Nee aga mompekirika kabelo karomiu mboto, tapi pekirika muni kabelo ntona ntanina.

1 Korintus 13:5

Ia ledo nasodo nte roa bo ledo aga nangelo kabelo nu karona mboto. Ia ledo nasalisa narau bo ledo nompariara kasala nipovia ntona ka ia.

2 Korintus 12:14

Pariaramo tesaku hitu. Sii-sii nasadiamo yaku tou mompelioda komiu katalu-ngganina, bo yaku batena ledo mekitanggu nte komiu. Sabana, ledo kakalumanamiu nieloku tapi pepotovemiu! Apa ledo ngana anu masipato mompasiromu kakalumana ka totuana tapi totua masipato mompasiromu kakalumana ka ngana.

2 Korintus 12:19

Nipekirimiu tesa kami hitu bara aga manjaliku karo kami ri ngayomiu? Sampesuvu-sampesuvu nipotoveku, ledo ntoto nakana! Pura-pura hitu nitesa kami sabana kami nosangu rara nte i Kristus bo Alatala mboto nanggita kami. Pura-pura anu nipovia kami, nipovia ala mompakaroso pomparasayamiu.

Galatia 1:10

Jadi, berimbamo, sampesuvu-sampesuvu? Yaku nanguli ivesia mbeki ratoiya ntona? Ledo ntoto nakana! Yaku aga madota ratoiya nu Alatala. Bara nipekirimiu yaku aga madota mompakadamba rara nu manusia. Tapi haitu ledo muni nakana, apa ane rapana yaku da nompasimbuku mompakadamba rara nu manusia, ledo masipato yaku majadi batua i Yesus Kristus!

Filipi 2:21

Pura-pura roaku ntanina aga nasesa nompekirika bagora mboto, ledo nompekirika dota i Yesus Kristus.

1 Tesalonika 2:16

Niuliku ivesia sabana toYahudi haitu nasaro nombalava kami. Kami madota mompatolele Kareba Belo ka tona ledo toYahudi ala rasanira ira mamala rapakasalama. Tapi toYahudi pangane nombalava kami bo ivesiamo aga nantambai dosara sampe nadea gagamo. Bo sii-sii ira mambela pehuku nu Alatala.